PUBG Lite do të vijë në Europë në beta në 10 tetor

Tashmë do të keni mundësi të luani PUBG falas në kompjuterin tuaj

PUBG Lite është testuar intensivisht në disa rajone gjatë muajve të fundit dhe tashmë versioni free-to-play i battle royale-s popullore do të vijë në Europë në më shumë se 50 vende.

E krijuar fillimisht për t’u lançuar veçmas në Tailandë, PUBG Lite po lançohet vazhdimisht dhe në rajone të tjera, duke u bërë mjaft popullore në Azinë Juglindore, Brazil dhe shumë vende të tjera. 52 vende, përfshirë këtu Britaninë e Madhe, Francën dhe shumë vende të tjera të Europës mund të bëhen pjesë e open beta duke filluar nga 10 tetori.

Regjistrimi për open beta është hapur dhe vazhdon deri në 8 tetor dhe lojtarët që regjistrohen përpara mbylljes së pre-registrations do të marrin falas skin-in Desert Camo për M416 dhe skin-in Rock Star për AKM.

Versioni Lite i PUBG supozohet të jetë një versionë më i lehtë që mund të luhet në thuajse çdo kompjuter dhe laptop modern. Edhe pse do të ketë të njëjtat mode, armë dhe thuajse të njëjtat koncepte kryesore, loja mbetet gjithsesi një version free-to-play i një loje me kualitet të lartë.

Përveç parametrave më të ulët, loja është tërësisht e veçuar dhe ka lojtarë mjaft kompetitiv. Betejat janë më të afërta pasi numri i lojtarëve është 60, pra lojërat janë zakonisht më të shpejta dhe më intensive.

PUBG Lite ka gjithashtu një mode tërësisht ndryshe, i cili vendos katër ekipe me katër lojtarë përballë njëri tjetrit. Kjo është e ngjashme me team deathmatch që fokusohet më shumë te eleminimet.

Përveç L-Coin, parasë që përdoret në lojë, PUBG Lite ka gjithashtu dhe battle pass-in e saj të quajtur Lite Pass. Kjo i jep lojtarëve më shumë sfida për të plotësuar për të marrë shpërblime. Më vonë në lojë do të vijë dhe Lite Pass Premium me më shumë shpërblime.

Kjo lojë është tentativa e PUBG për të konkurruar në një treg ku Fortnite ka pasur shumë sukses si një lojë free-to-play.