Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kur vjen puna për artifakte klasike në botën e gaming, nuk ka ndonjë që është më i rralë se Nintendo PlayStation. I krijuar si një bashkëpunim mes Nintendo dhe Sony në 1991 si pjesë e projektit Super Nintendo, ky u anullua, përpara se Sony të merrte vendimin të futej vetë në industrinë e gaming.
Ky sistem nuk doli kurrë në treg, por prototipi përfundoi në duart e Terry Diebold, i cili padshje e bleu atë në 2009n. Ai u shit një herë në garazhin e një shtëpie, në pronësi të një përfaqësuesi të Sony. Sot, Heritage Auctions njoftuan se ai do të shitet në një ankand vitin e ardhshëm.
Do të jetë interesante të shohim se sa do të jetë ofertat për të. Rekordi më i lartë që është dhënë ndonjëherë për një videolojë të vetme ka qenë $100,150 më herët gjatë këtij viti, për një kopje të vulosur të Super Mario Bros.
Gjithsesi, Nintendo PlayStation është gjë tjetër. Në fund të fundit nuk ka asnjë tjetër si ajo në botë. Nuk ka as ndonjë lloj paisjeje tjetër që mund të mbahet si krahasim, Sipas një raportimi, shitësit i janë ofruar $1.2 milionë në të shkuarën, por sipas tij kjo sasi nuk ishte e mjaftueshme.
Sado që në atë kohë nuk e dinte njeri, shkëputja e Sony nga Nintendo është një nga eventet më të mëdha që ka ndodhur ndonjëherë në industrinë e videolojërave. Nintendo vazhdoi planet dhe lançoi Nintendo 64, duke na sjellë lojëra klasike si Super Mario 64, GoldenEye dhe The Legend of Zelda: Ocarina of Time. PlayStation nga ana tjetër u përkufizua nga Metal Gear Solid, Resident Evil 2 dhe Final Fantasy VII.
Padyshim që Sony u bë lider i industrisë gjatë asaj gjeneratë të konsolave, një titull ky që nuk e ka lëshuar sot e kësaj dite. Nintendo PlayStation nuk është vetëm një konsolë e rrallë, por është një projektim i mënyrës se si mund të ishin gjërat për ne sot.
Nintendo PlayStation do të shitet në ankand në 27 shkurt të 2020s.
