Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Battle royale duket se ka shqetësuar dhe familjen mbretërore
Një pjesëtar i familjes mbretërore angleze ka kërkuar që videolojërat që krijojnë varësi të ndalohen. Duke folur me ekspertë të shëndetit mendor mbi efektet e mediave sociale dhe videolojërave të dhunshme, Princi Harry thotë se loja battle royale e Epic Games “nuk duhet lejuar“.
Në një intervistë, ai thotë se Fortnite “është krijuar për të krijuar varësi që të mban të ngulur përpara kompjuterit“, duke e quajtur lojën “të papërgjegjshme” e duke pyetur se “cilat janë të mirat e mbajtjes së saj në shtëpi“. Princi gjithashtu shtoi se “prindërit kanë hequr dorë e nuk kanë më se çtë bëjnë. Ata thjesht po presin që dëmi të bëhet“.
Fortnite është vënë disa herë në sulm nga shtypi britanik që prej shpërthimit të battle royale-s vitin e kaluar për shkak të shqetësimit se fëmijët po harxhonin shumë kohë duke luajtur lojën. Por nuk janë vetëm fëmijët. Në 2018, varësia nga lojërat online kontribuoi në 5% të divorceve në Britani.
Princi Harry gjithashtu sulmoi mediat sociale, duke thënë se “janë më të rrezikshme duke parë sa normale janë bërë e se nuk ka kufizime. Pa lidhjet njerëzore, kur ke një problem nuk ke askund për t’u drejtuar përveçse online, ku do të përballesh me bullizëm“.
Edhe pse sugjerimi se prindërit duhet të kenë kujdes dhe të parandalojnë varësinë tek fëmijet e tyre, mendimi i Princit duket surprizues, duke parë dashurinë e tij për futbollin. Gjatë Kupës së Botës vitin e kaluar, kapiteni i Anglisë Harry Kane tha se ai dhe ekipit të tij i shijonte shumë një Victory Royale ndërmjet ndeshjeve. Anglia arriti deri në gjysmë-finale, e ndërsa Fortnite padyshim që nuk i merr të gjithë meritat për këtë, mbase nuk është aq i keq sa ç’duket?
