Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
iPhone 12 Mini mori vëmendjen
Duke ndjekur gjurmët e eventit të mëparshëm të Apple me prezantimin e regjistruar në video, Tim Cook zbuloi Apple iPhone 12 të ri nga Apple Park. Ai filloi duke iu referuar numrave, duke theksuar se iPhone është telefoni më i popullarizuar në botë me klientët më të kënaqur. Momenti më i madh në iPhone-ët e rinj është ardhja e 5G, diçka që Apple nuk e kishte guxuar deri më tani, por tani beson se rrjetet janë zhvilluar mirë. Telefonat e rinj do të mbështesin 5G Ultra Wide Band, 5G më të shpejtë me download 4Gbps dhe upload 200Mbps, ndërsa do të mbështesë përdorimin e njëkohshëm nga mijëra përdorues në të njëjtin vend, siç janë stadiumet, aeroportet, etj.
iPhone i parë që u prezantua ishte iPhone 12 që solli një dizajn të ri të panelit të sheshtë në standardin iPad Pro. Në dispozicion në pesë ngjyra. Ka një ekran 6.1 inç Super Retina XDR me raport kontrasti 2,000,000: 1 me pikselët e dyfishtë të iPhone 11 që ofron rezolucion më të madh. Ndriçimi u rrit në 1200nits. Xhami i ekranit mbrohet nga një mburojë qeramike e zhvilluar në bashkëpunim me Corning, dhe Apple pretendon se është më e qëndrueshme se çdo xham smartphone-i në treg momentalisht.
Çipi i ri A14 Bionic fuqizon iPhone-in e ri dhe është çipi i parë i smartphone 5nm me 11.8 miliard tranzitor. Ka një CPU 6-core, GPU quad-core dhe 16 cores për machine learning me 11 trilionë llogaritje në sekondë. Sjell një përmirësim me 50% të performancës nga iPhone 11.
Kamera ka një kamerë të dyfishtë me 12MP kryesore dhe 12MP ultra wide, me 27% përmirësim në kushtet me dritë të ulët. Night Mode bëhet edhe më i mirë me shutter më të shpejtë, madje edhe në kamerën selfie. Videoja pritet të ketë cilësi të lartë, duke përmirësuar më tej performancën në kushte të ndriçimit të ulët dhe shton Time Mapse në Night Mode.
Sistemi i karikimit MagSafe vjen me karikimin, duke përmirësuar ngarkimin wireless në 15 Watt, ndërsa karikuesit e pajtueshëm do të jenë në gjendje të përdorin magnetët në pjesën e pasme të pajisjes për të “qëndruar” në telefon dhe për të mos lëvizur.
iPhone 12 mini i shumëpritur ishte i radhës në prezantim. Në 5.4 inç, ai ofron ekranin Super Retina XDR dhe gjithçka që ka iPhone 12, duke e bërë zgjedhjen midis iPhone 12 dhe iPhone 12 mini thjesht një çështje mbi preferencë së madhësisë.
iPhone 12 Mini do të kushtojë 699 dollarë dhe do të dalë në treg më 12 Nëntor, ndërsa iPhone 12 me një kosto prej 799 dollarë do të mbërrijë më 25 Tetor.
