Poducenti i Sonic thotë se fansat do të jenë shumë të kënaqur me dizajnin e ri

Kur traileri i parë i filmit Sonic the Hedgehog doli në sipërfaqe, njerëzit nuk ishin shumë të lumtur me të . Kjo prej dizajnit të vetë Sonic. Drejtuesit e filmit kishin përdorur elemente të ngjashme me versionin original, por gjithsesi kishin devijuar në një drejtim komplet tjetër.

Prej pakënaqësisë së shumë fansave, Paramount njotoi se filmi do të vonohej me tre muaj, që Sonic të mund të merrte një pamje më të mirë. Kompania ende nuk e ka treguar dizajnin e ri, por producenti Tim Miller, që e ka parë thotë se mendon se është fantastik.

“Besoj se fansat do të jenë shumë të kënaqur me të.” U shpreh Miller.

Ai vazhdoi të fliste më tej edhe mbi çfarë kishte ndodhur në studiot e Paramount kur kishte dalë lajmi mbi pakënaqësitë ndaj Sonic.

“Unë isha në anën e fansave dhe në të njejtën anë ishte dhe Jeff (regjizori i filmit). Kur shkova te ai, ai tashmë e kishte nisur njoftimin se personazhi do të ridizenjohej. Ishte pikërisht mënyra e duhur për tu përballur me situatën, sepse edhe fansat kanë një dorë në gjithë këtë.”

Në fund le të shpresojmë që fjalët e Miller të jenë të vërteta. Nuk do të mund ta përballonim dot sërish një tufë fansash të zemëruar.