Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Një stuhi po bëhet gati në fushëbetejë…“
Fansat e PlayerUnknown Battlegrounds u zgjuan këtë mëngjes me një patch i cili padyshim që i çuditi ata. Zhvilluesit e lojës sollën në patch-in më të ri një prej veçorive më të kërkuara nga lojtarët gjatë kohëve të fundit.
Në update-in e sezonit të 4 të battle royale-t popullor, Erangel morri një update të motit së bashku me ndryshime të tjera të cilat përmirësojnë gameplay-n e lojës.
Update më i madh që vjen në këtë patch është sistemi i ri i ndryshimit të motit i cila sjell një larmishmëri motesh në Erangel. “Nga mjegulla, tek stuhitë me vetëtima, shiu i rrëmbyeshëm dhe era, një larmishmëri e madhe kushtesh të motit vijnë tashmë në hartë,” – tha PUBG Corp. “Prisni që secili prej këtyre moteve të jetë në lojë për pak minuta.”
Postblloqet, shtyllat e tensionit dhe barrikadat janë tashmë objekte të shkatërrueshme, të cilat mund të prishen pasi të marrin shumë dëm. Edhe pse lojtarët ende mund t’i përdorin ato për t’u mbuluar, atyre do t’ju duhet të lëvizin diku tjetër pasi të marrin disa goditje.
Patch-i gjithashtu solli disa ndryshime në audion e lojës që përmirësojnë gameplay-n dhe e bëjnë lojën në përgjithësi më të kënaqshme. Me një opsion të ri “Sounds” në menu, lojtarët mund ta përshtasin audion e lojës për një eksperiencë më të mirë.
Gjithashtu, lojtarët tashmë mund të fikin motorrët e automjeteve të tyre që ato të mos bëjnë zhurmë kur i parkon. Kjo padyshim që është shumë e përshtatshme për lojtarët që bëjnë camp me sniper, pozicioni i të cilëve nuk do të mund të zbulohet më aq lehtë nga zhurma e makinës së tyre.
Për lojtarët që duan ende të kapin të gjitha shpërblimet e sezonit 4, kanë mbetur ende plot 9 javë në Survivor Pass, e cila mbaron në 15 tetor.
