Një lojtar i CS:GO ka krijuar një program Anti-Cheat që ka bërë ban mbi 14,000 lojtarë

Sado e dukshme që mund të jetë, askush nuk i preferon lojtarët që bëjnë hile në videolojëra, mbi të gjitha ato që janë kompetitive. Krahas të paturit një avantazh të padrejtë, hileqarët e zhveshin lojën nga aspektet e saj argëtuese, duke i bërë njerëzit që thjesht ta lënë përgjysmë në drejtim të një lobby të ri.

CS:GO pastaj është tmerrësisht e njohur për cheaters, aq shumë sa që kur loja u bë falas në dhjetor, sistemi Anti-Cheat i Valve i bëri ban më shumë se 600,000 lojtarëve brenda muajit. Sigurisht që kjo nuk i ndaloi njerëzit e tjerë ti bënin hack lojës më tej. Gjithsesi, duket se një lojtari i është mbushur kupa me gjithë këtë situatë, aq shumë sa krijoi programin e tij AI në betejën kundër hileqarëve në CS:GO.

I quajtur HestiaNet, programi AI u zhvillua nga lojtari 2Eggs. Mënyra se si HestiaNet funksionon është që rishikon xhirime të lojtarëve, duke analizuar të dhënat që merr nga to me përdorimin e sistemit të Overwatch për të dhënë një verdikt. Programi AI më tej i ruan këto të dhëna në një databazë. Kjo e fundit shikohet për VAC bans dhe nëse lojtarët realisht janë bërë ban HestiaNote e mban shënim.

Deri më tani, nga 17,659 raste, 15,356 janë raportuar. Nga këto, 15,104 kanë rezultuar në një ban. Nga pikëpamja statistikore, programi AI është tepër i saktë dhe ja del ta bëjë shumë mirë punën e tij.

Ky program nuk është i vetmi për të cilin njihet HestiaNet. Muajin e shkuar, 2 Eggs u shpërblye me $11,450 pasi ndihmoi Valve të identifikonte disa bugs në sistemin e sigurisë.

Le të shpresojmë që me kalimin e kohës, HestiaNet e 2 Eggs do të jetë në gjendje të identifikojë më shumë cheaters, për të krijuar një mjedis të sigurtë loje, për ata që e preferojnë CS:GO pa probleme.