Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Legend…wait for it…dary!
Nëse jeni fans i How I Met Your Mother dhe Matrix, atëherë ëndrra juaj sapo u bë realitet. Neil Patrick Harris është përzgjedhur për një rol në Matrix 4 dhe është legend…wait for it…dary.
Në gusht u konfirmua se filmi do të rikthehej edhe një herë për një seri tjetër me yjet e tij origjinalë: Keanu Reeves dhe Carrie-Ann Moss në rolet e tyre si Neo dhe Trinity.
Aktori do i bashkohet pjesës tjetër të kastit të përzgjedhur për filmin, që do të fillojë me prodhimin e tij në 2020n. Matrix 4 do të jetë nën regjinë e Lana Wachowski, skenaristja dhe regjizorja e tre filmave të parë të Matrix.
Raportohet se Neil Patrick Harris do të ketë një rol themelor në film. Përsa i përket informacioneve të mëtejshme për rolin, Wachowski nuk ka dhënë asnjë koment më shumë.
Sado që njihet kryesisht për rolin e tij komik si Barney Stinson në How I Met Your Mother, Harris ka patur paraqitje edhe në fragmente të tjera televizive. Ndër paraqitjet e tij më të fundit kemi adaptimin e Netflix për A Series of Unfortunate Events në rolin e Count Olaf.
2019 është viti që shënohet 20 vjetori i The Matrix. Sado që filmi i parë është ende fantastik, dy vazhdimet e tij janë ende pak problematike. Gjithsesi ne do të shpresojmë që ky të mos jetë rasti me këtë të rradhës.
Shtimi i Neil Patrick Harris në kastin e aktorëve është padyshim një zgjedhje shumë interesante dhe shumë fansa të tjerë, ndoshta jo shumë në audiencën e Matrix, do ndihmojnë në shikimet e filmit të katërt, vetëm prej influencës së tij.
