Ne renditëm të gjitha lojërat GTA nga më e keqja te më e mira

Shikoni mendimin tonë për lojërat më të mira GTA

Vetëm në rast se nuk keni luajtur kurrë një vieolojë më parë ose keni jetuar nën një shpellë vitet e fundit mund të jetë e justifikueshme që nuk e njihni serinë e lojërave Grand Theft Auto. Loja është një open world sandbox e cila të jep mundësinë të jetosh si një kriminel i suksesshëm duke vjedhur dhe vrarë sa të të dojë zemra jote e zezë, gjë që nuk është dhe aq e keqe, duke patur parasysh se loja origjinale Race N Chase ishtë një zhgënjim total për zhvilluesit me vetëm një veçori të mirë: kur arrije pesë yjet, loja çmendej dhe policët të godisnin pafundësisht.

Që prej ditës kur ky glitch u zbulua, GTA u kthye në mbase atë që quhet seria më e madhe ndonjëherë e videolojërave në historinë e gaming, duke pasur në të plot 8 lojëra kryesore si dhe shumë spin-off dhe DLC, duke përjashtuar këtu GTA V. Sot, do t’i hedhim një sy të gjitha lojërave dhe do t’i rendisim ato.

7. GTA I

Le të nisim nga fillimi. GTA I është akoma një lojë gallatë për t’u luajtur nëse ke ndërmënd të ndezësh PlayStation 1 tënd pas shumë kohësh, por në krahasim me gjigandin që është shndërruar sot kjo seri, loja nuk mund të krahasohet aspak me paraardhëset. E përbërë nga gjashtë nivele të ndara në tre qytete, koncepti është fare i thjeshtë. Arrini një numër të caktuar pikësh duke mbaruar punët që merr nëpërmjet telefonit dhe mund të vazhdosh. Muund të bësh ç’të duash, por ke vetëm një numër të caktuar jetësh për të arritur qëllimin tënd, pra të vrasësh kë të të zëjë syri mbase nuk është ideja më e mirë. Loja na prezantoi me Liberty City, Vice City dhe San Andreas gjithashtu, që siç e dimë janë vendndodhje shumë të rëndësishme në botën e GTA.

6. GTA II

E lançuar në 1999, GTA II ishte tuajse e njëjta gjë, por duke patur parasysh se sa argëtuese ishte loja e parë, fansat nuk e vranë shumë mendjen. Megjithatë, loja kishte disa inovacione për ta bërë më interesante. Ishte loja e parë që të jepte mundësinë të bëje misione nga banda të ndryshme, që do të thotë se duhet të balancoje mënyrën tënde të lojës sepse sa më shumë misione të bëje për një bandë, aq më pak të besonin bandat e tjera. Gjithashtu, loja prezantoi side missions, si për shëmbull të ishe një taksixhi dhe gjithashtu kishte një sistem ruajtje, çka do të thoshte se nuk të duhej të prisje sa të mbaroje një qytet që ai të futej në punë, diçka shumë e mirë duke patur parasysh sa problem qe kjo gjë në lojën e parë.

5. GTA IV

GTA IV ishte një tentativë vërtet e guximshme nga Rockstar, duke e marrë serinë që deri tani ishte më shumë thjesht një lojë e lehtë dhe argëtuese rreth të qënit kriminel dhe duke futur në të një dozë të madhe realizmi. Historia e Niko tregohet në mënyrë brilante ndërsa ai mundohet t’i shpëtojë jetës së tij të vjetër e cila i ka shkaktuar atij vetëm dhimbje, vetëm që ai t’i kthehet prapë asaj. Megjithatë, loja kishte probleme të shumta. Njerëzit nuk i pëlqinin fizikat e makinave, nuk i pëlqente fakti që duhet t’i merrje shokët me të mirë dhe nuk i pëlqente fakti që loja nuk ishte San Andreas, gjë që në fakt është vërtet e trishtë, duke patur parasysh se poshtë gjithë negativitetit dhe problemve të lojës, ajo ishte diçka vërtet e mirë. Thjesht gjeni pak kohë për të luajtur bowling.

4. GTA III

Në qoftë se GTA I ndezi zjarrin e serisë më të madhe ndonjëherë në historinë e gaming, atëherë GTA III i hodhi benzinë zjarrit, e rrethoi me dinamit dhe e shpërtheu me bazooka. Nuk mund të mos ta vlerësosh influencën e GTA III në të gjithë botën e videolojërave. Një pamje third-person, grafika 3D si dhe një histori e shkruar në mënyrë perfekte ishin disa prej ndryshimeve dramatike që loja e tretë e kësaj serie solli. Loja gjithashtu luhej shumë mirë dhe na dha një eksperiencë open world që tashmë e marrim si të mirëqenë në çdo lojë që prej asaj kohe. Ishte një lojë që ndryshoi vërtet çdo gjë.

3. GTA: Vice City

Edhe sot e kësaj dite, GTA: Vice City është një eksperiencë fantastike së cilës ja vlen t’i kthehesh herë pas here. Nuk është thjeshtë historia e Tommy Vercetti dhe se si ai luan me mafian që e tradhëtoi atë dhe e hodhi si të ishte një i pavlerë. As soundtrack-u i marrë direkt nga vitet ’80 dhe as fakti që loja duket ende si diçka e gjeneratës së fundit. Është fakti që ke kaq shumë gjëra për të bërë. Misionet kryesore, side missions, misionet me taksi, misionet me zjarrfikës, lista e mundësive është e pafundme. Dhe për të qënë të sinqertë, kush nuk do të donte që Ray Liotta të ishte narratori i jetës së tyre?

2. GTA: San Andreas

Është e çuditshme kur e mendon, por Rockstar iu desh deri sa lançoi GTA: San Andreas për t’i çuar aktivitetet e tyre kriminale në botën e bandave. Deri më tani, të gjitha lojërat flisnin për një protagonist të vetëm që punonte për Mafian, por në këtë lojë, ata vendosën të provonin jetën në një bandë dhe siç pritej, ishin të suksesshëm që me herën e parë. Në rolin e CJ, së bashku me Grove Street Families luftoni për territor, kryeni misione dhe të bëheni të bezdisur për këdo. Gjithashtu, San Andreas solli në botën e GTA elemente të një loje role-playing, duke ju dhënë mundësinë të ndryshoni pamjen e CJ nga koka te këmbët, përfshirë këtu edhe peshën e tij. Nëse donit, mund të bëheshit aq të mëdhenj sa Big Smoke, po kush do të donte të behej si ai ndyrësira?

1. GTA V

Nuk besoj të jeni të surpizuar që kjo lojë ndodhet në vendin e parë, apo jo? GTA V është një kryevepër. Jo vetëm që ajo vendosi një standart të ri për lojërat open world, por e ndryshoi atë për çdo lojë të ardhshme. Nuk mund të numërosh sa gjëra mund të bësh brenda lojës dhe deri sa Red Dead Redemption 2 u lançua, ishte mbase gjëja më e bukur që kanë parë ndonjëherë sytë e lojtarëve. Loja gjithashtu theu traditën duke na dhënë mundësi të luajmë si tre protagonistë, gjë e cila ishte vërtet fantastike. Ajo gjithashtu na shfaqi bishën e quajtur GTA Online, e cila fiton miliona çdo javë për kompaninë, gjashtë vite pas lançimit të lojës origjinale.

Si ju duket kjo renditje? Na shkruani mendimet tuaja!