Narcos i Netflix do të vijë në formën e një loje strategjike

Shikoni trailer-in e parë të Narcos: Rise of the Cartels

Narcos i Netflix bazohet në historinë reale të bosit të drogës Pablo Escobar dhe njerëzit duket se u dashuruan kaq shumë me sjelljen dhe veprimet e tij sa tashmë ka ardhur dhe një lojë për të. Publikuesi Curve Digital hodhi shenja drejt Narcos: Rise of the Cartels nëntorin e kaluar dhe trailer-i i ri tregon personazhet, cutscenes dhe gjithashtu na tregon pak nga gameplay. Gjithashtu në fund shfaqet dhe një datë lançimi për vjeshtë 2019, prandaj lufta ndaj drogës pritet të nisë së shpejti.

Rise of the Cartels do të bazohet në ngjarjet e ndodhura gjatë sezonit të parë të Narcos, pra nga fundi i viteve ’70 në fillim të viteve ’90, kur Escobar u kthye nga një trafikant i thjeshtë në tregun e zi në Jeff Bezos të kokainës. Lojtarët munnd të zgjedhin të kontrollojnë kartelin e Medelinit ose DEA.

“Të punosh me një licensë për Narcos ka qënë një eksperiencë fantastike për ekipin e Kuju deri më tani” – tha Matt White i Kuju vitin e kaluar kur loja u zbulua.

“Si krijues, të kesh mundësin të luash me një botë kaq ndjellëse dhe me shumë nivele brenda saj na jep mundësinë të tregojmë histori fantastike dhe të krijojmë një gameplay po kaq fantastik. Jemi shumë krenarë për Narcos: Rise of the Cartels dhe shpresojmë që kjo do t’i përcillet dhe fansave të serisë dhe të zhanrit taktik.”

Kuju është një kompani britanike e cila ka zhvilluar lojëra si Marvel: Ultimate Alliance 2, Guitar Hero Live dhe Pokemon Art Academy. Loja pritet të vijë këtë vjeshtë në PC, Playstation 4, Xbox One dhe Nintendo Switch. Nuk e dimë se sa vërtetë do ta pasqyrojë loja historinë e Pablo Escobar, por padyshim që do të jetë një eksperiencë interesante, sidomos për fansat e serisë së Netflix.