Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Apex Legends pati një lançim të shkëlqyer në fillim, besoj se të gjithë e kemi dëshmuar këtë. Diçka tjetër që po vazhdojmë të dëshmojmë dita ditës është që loja po bëhet e mërzitshme. Është e vërtetë në fakt, shifrat e rënies në Twitch dhe jo vetëm janë prova për këtë.
CEO i Respawn, Vince Zampella deklaron se studioja po përpiqet të gjejë një balancë mes kërkesave të lojtarëve dhe zhvillimit të shëndetshëm të një loje. Specifikisht tha se do të vazhdohet ritmi i update-eve sezonale, pasi kjo është më e shëndetshme për zhvilluesit që po punojnë me lojën. Tekstualisht ai tha:
“Ka shumë njerëz që ankohen: “Pse nuk ka update javore. Fortnite i ka këto”. E vërteta është që ne nuk jemi në pozita për ta bërë këtë. Kurrë nuk e kemi patur për qëllim në fakt.
Thelbi ynë ka qenë gjithmonë puna sezonale dhe ky plan nuk do të ndryshojë. Nuk duam që ti nxisim gjërat më shumë se ç’duhet, sepse do përfundojmë duke ulur cilësinë e derimëtanishme.”
Deri diku, pas situatës së tmerrshme të kushteve të punës në Epic, vendimi i Respawn është i mirëkuptueshëm. Duhet gjithashtu të marrim parasysh se Apex Legends është ende në stadet e tij të para të zhvillimit dhe në mënyrë që të arrijë majat e parashikuara do i duhet kohë. Fatmirësisht Zampella thotë se sezoni i dytë do të ketë shumë më shumë përmbajtie se i pari, ndaj le të shpresojmë që gjërat do të shkojnë sa më mirë.
