Mortal Shell, loja e ngjashme me Dark Souls, sjell një beta falas në PC

Për shkak të kërkesës së lartë, Cold Symmetry po e sjell beta demon e Mortal Shell falas në Epic Store.

Mortal Shell është një nga njoftimet surprizë të kësaj vere. E zbuluar gjatë PC Gaming Show 2020, Mortal Shell është një lojë aksion RPG që anon shumë nga elementët e errët fantazi të Dark Souls. Tani fansat mund të provojnë Mortal Shell vetë, pasi një version beta i saj është bërë i disponueshëm për të gjithë në PC.

Javën e shkuar, zhvilluesi i Mortal Shell, Cold Symmetry vendosi një demo closed-access për lojën. Demoja kishte si synim ti jepte lojtarëve një sfidë dhe të shikonte se si gjërat funksiononin, por kërkesa e lartë për këtë demo nga fansat e Souls e bëri ekipin të vendoste që ta sillte demon falas.

Për ata që duan ta provojnë beta demon e Mortal Shell, demoja përfshin dy porcione të dy zonave të ndryshme. Fallgrim Outskirts është zona e parë që lojtarët do ta gjejnë veten pasi të kenë plotësuar tutorialin prezantues të lojës. Zona tjetër quhet Abandoned Chamber, që është një varr klaustrofobik ku gjendet boss-i i parë i lojës.

Gjithçka që ju duhet lojtarëve për të aksesuar beta demon e Mortal Shell është një adresë në Epic Games Store, pasi demoja është e disponueshme vetëm përmes këtij dyqani. Fatmirësisht ajo është plotësisht falas, ndaj është një mundësi e përsosur për fansat e Souls për të parë nëse Mortal Shell duhet të jetë loja e rradhës në listën e tyre ose jo.

Mortal Shell do të lançohet në 2020n për PC, PS4 dhe Xbox One.