Më shumë shenja hidhen drejt ardhjes së CoD: Modern Warfare 4

Një ish zhvillues i Call of Duty i ka nxitur edhe më shumë thashethemet se loja e ardhshme e Call of Duty do të jetë Modern Warfare 4. Robert Bowlin, ish punonjës në Infintiy Ward 2006-2012, postoi në Twitter mbrëmë shenjat që na çonin të mendonim drejt një loje të ardhshme Modern Warfare.

Postimi i parë, me këngën Hurt të Johny Cash në sfond, zmadhon një foto të protagonistëve të Modern Warfare 2, Captain Price, Sandman, Soap dhe Ghost. Caption-i vazhdon me tekstin e Cash dhe një datë tjetër, 10 tetor 2019.

Postimi i dytë përfshin edhe më shumë tekste të Johny Cash, por gjithashtu edhe një video nga Loose Ends, një mision në Modern Warfare 2, ku Roach dhe Ghost tradhëtohen dhe vriten nga General Shepherd. 

Bowling ka implikuar se loja e ardhshme e Call of Duty do të jetë Modern Warfare 4 dhe sado që këto postime ende nuk konfirmojnë asgjë, sërish sugjerojnë dhe hedhin shenja drejt serive të Modern Warfare.

Kur marrim parasysh se Bowling ka punuar me të treja lojërat kryesore, mund ta konsiderojmë edhe si një deklaratë nostalgjike.

Nuk dimë pra nëse duhet ta marrim si një shenjë ose thjesht si një mënyrë që Bowling ka zgjedhur për të kujtuar eksperiencat e tij. Cilado nga këto qoftë, prapë do të duhet të presim deri në verë për një konfirmim të lojës.