McLaren do të punësojë lojtarin më të shpejtë në botë si shofer simulatori

Ekipi i Formula 1 McLaren-Honda ka zbuluar eventin e ri të titulluar “Lojtari më i shpejtë në botë” dhe konfirmon se do të punësojë fituesin si një shofer simulatori.

E treguar për herë të parë këtë javë, ky konkurs i ri do të zhvillohet gjatë verës dhe vjeshtës së vitit 2017. Finalja e madhe do të mbahet në zyrat qëndrore të ekipit Formula 1 McLaren-Honda në Woking. Fituesit do ti ofrohet një kontrat një vjeçare si shofer simulatori në Qendrën Teknologjike të McLaren.

Specifikat rreth konkursit nuk janë publikuar ende, megjithëse McLaren ka konfirmuar se finalja do të përfshijë 10 pjesëmarrës (katër të zgjedhur nga konkurse online dhe gjashtë do të zgjidhen nga ekspertët e lojërave dhe Formula 1).

Lojtarët jo vetëm do të testohen për aftësite garuese të tyre në platforma të ndryshme, por konkursi “Lojtari më i shpejtë në botë” gjithashtu do të testoje edhe njohuritë inxhinierike, punën në ekip dhe aftësitë mendore dhe fizike të aplikantëve.

Më shumë detaje mbi këtë ngjarje të re të Esports dhe si mund të merrni pjesë në të, do të zbulohen në javët në vijim.