Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nxitur nga shitjet e dobëta të Marvel’s Avengers, Square Enix ka postuar një humbje operative në segmentin e saj të HD Games prej më shumë se 5 miliardë ¥, ose 48 milion dollarë, për tremujorin e dytë të vitit aktual financiar. Ky informacion vjen nga publikimi i fundit i rezultateve financiare, për periudhën gjashtëmujore të Prillit deri në fund të Shtatorit 2020. Marvel’s Avengers, një lojë e zhvilluar nga Crystal Dynamics, u reklamua shumë dhe u prodhua me çmim të lartë, por u kritikua si nga kritikët dhe audienca e gjerë e lojërave.
Është dështimi i dytë i profilit të lartë i një loje të tillë rangu në po kaq vite, pas Anthem të BioWare në 2019.
Divizioni i HD Games të Square Enix është përgjegjës për lëshimet e tij të mëdha, por jo për MMO-të ose lojërat e saj mobile. Pavarësisht humbjeve, divizioni i HD Games bëri më shumë biznes në të dy tremujorët e vitit 2020 sesa në periudha të krahasueshme në 2019. Divizioni i MMO, përgjegjës për lojëra si Final Fantasy XIV, postoi fitime në të dy tremujorët këtë vit.
Square Enix nuk ka raportuar numrat e shitjeve, megjithëse analisti i industrisë së lojërave me bazë në Tokio, David Gibson tha në një postim në Twitter se vëllimet e shitjeve ishin më të ulëta se sa kishte planifikuar Square Enix, diçka rreth 60% e totalit të pritur. Gibson më tej vuri në dukje se bazuar në numrat e raportuar të Square Enix loja ka të ngjarë të kushtonte më shumë se 170 milion dollarë për t’u bërë.
Marvel Avengers- it looks like the total cost of the game is closer to $170m-$190m given they only expenses 70% of cost in the qtr plus marketing costs. Why someone didn’t say stop post the multiplayer beta will remain a mystery . Square are adamant they can make a recovery ....
— David Gibson (@gibbogame) November 7, 2020
Performanca e shitjeve e Marvel’s Avengers duket edhe më e dobët kur krahasohet me publikimin e remake-ut të Final Fantasy VII në Prill. Vonesa e lojës ekskluzive për PS4 dhe rritja e shitjeve të lojërave për shkak të pandemisë forcuan numrat e këtij tremujori. Marvel’s Avengers, e disponueshme në të gjitha platformat, nuk e përsëriti suksesin e FF7.
