PC PS4 PS5 Reviews Stadia Xbox One Xbox Series X

Marvel’s Avengers Review

Mbështesni GameON Albania duke përdorur kodin support-a-creator: GAMEONALBANIA

Avengers është një nga seritë e filmave më të ndjekura në botë. Mbas mbylljes së avengers endgame, fansat e marvel kanë pritur për një kapitull tjetër në historinë e saj. Por këtë radhe ajo ka ardhur në formën e një loje.

Loja e Marvel’s Avengers nuk është perfekte dhe as revolucionare. Ka mungesat e saj por përfshin edhe elemente nga lojëra të suksesshme të cilat ajo i bën goxha mire. Loja ka potencial pavarësisht faktit se të lodh deri sa të arrisësh aty. Si dikush i cili e kam ndjekur me vëmendje MCU, një lojë AAA si Avengers duken si një ëndërr dhe sidomos pas atiji Spider-Man që Insomniac Games na solli.

Marvel’s Avengers vjen nga kompani shumë prestigjioze në fushën e videolojërave me Square Enix si publikues si dhe Crystal Dynamics bashkë me Eidos Montreal në pjesën e zhvillimit. Këto janë kompani që mund të themi se fjalën aventurë e kanë në gjak sidomos pas triologjisë së Tomb Raider. Por që marrësh një aventurë epike nga studiot e Marvel dhe ti japësh një frymë stil Destiny është njësoj sikur t’ia futësh vetes. Ky frymëzim për mendimin tonë është gabimi më i madh në lojën e Marvel’s Avengers.

Le ta nisim nga fillimi. Protagonisti këtu është Kamala Khan ose siç njihet ndryshe Ms. Marvel. Ajo është një prej heroinave të krijuara vitet e fundit nga Marvel dhe në ketë histori ajo i takon Avengers kur është akoma e vogël. Fillimi i lojës, në vend që të jetë impresionues e bën atë në një mënyrë elegante duke iu pozicionuar si një fans i vogël i Avengers përpara se të ndodhin ngjarjet e kësaj historie.

Gjatë festimeve të A-Day, Avengers janë të detyruar të ndahen pas një sulmi të cilët ata nuk mundën t’i përgjigjen por gjithë bota mendon se është faji i tyre për ketë ngjarje. Pesë vite më vonë, Avengers janë në fshehje, Captain America është shpallur i vdekur dhe shumë prej atyre që kanë mbijetuar gjatë ngjarjes së A-Day kanë fituar superfuqi ashtu si dhe Kamala. Kamala është akoma një fanse e tyre dhe nuk beson se Avengers kanë qënë fajtorë. Në një botë të shokuar, ajo zbulon se pas gjithë ngjarjes e cila ndodhi gjatë A-Day fshihet një organizatë sekrete e quajtur AIM e cila ka qëllime dashakeqe. Kamala e vendosur për t’i bashkuar përsëri Avengers, bëhet forca e cila lëviz ingranazhet e historisë.

Ne na u desh rreth 16 orë për të përfunduar historinë duke eksploruar çdo cep të saj. Historia është klasike dhe emocionuse sic mund të pritet nga marvel dhe të jep ndjesinë sikur ti po ndjek krijimin e Jon Favreau dhe James Gunn. Akoma edhe skena ku Iron Man shfaqet me këngën e Flight of the Icarus nga Iron Maiden sjell eksperiencën e filmave në lojë. Mënyra se si Kamala bëhet shkëndija për bashkimin e pashmangshëm të Avengers është një histori e cila pavarësisht klisheve, është tepër e bukur në ekzekutim. Marvel’s Avengers na sjell gjithashtu shumë momente plot emocione dhe drama me elemente moderne të cilat janë bashkuar në një mënyrë plotësisht organike.

Gjithsesi, do të pëlqenin një armik pak më të fuqishëm pasi MODOK nuk e plotëson rolin e tij siç priten nga armiku kryesor i lojës. MODOK nuk mund të quhet armiku më i përshtatshëm në këto rrethana dhe nuk e ka të mundur të luaj rolin që i takon ashtu siç krijuesit e kanë dëshiruar. Në fund nuk ishte e qarte pse George Tarleton i referohet vetes si MODOK dhe kjo është një mundësi e humbur për historinë.

Anëtarët e Avengers të përfshirë në campaign janë Captain America, Iron Man, Black Widow, Thor dhe Hulk dhe një nga gjërat më të vështira që Crystal Dynamics ka bërë është balancimi i suksesshëm i secilit superhero. Të gjithë kanë kohën e tyre për të shkëlqyer dhe për të treguar plagët që i ka lënë A-Day. Por çfarë shkoi gabim kur e gjithë ky campaign përfshin zëra nga më të njohurit si Nolan North, Troy Baker, Laura Bailey dhe të tjerë? Për ta kuptuar më në detaje arsyen, Marvel’s Avengers është një përzierje e Destiny në strukturë, combat i God of War dhe aventurë e bazuar në Uncharted. Përpiquni të gjeni cili prej këtyre elementëve nuk ia doli me sukses.

Çdo Avenger ka një skill tree, nivelet, fuqitë dhe inventarin veçmas nga tjerët. Kjo tregon influencën thelbësore nga Destiny por në lançimin e saj Avengers nuk arriti ti replikoje këto mekanika me sukses. Të paktën zhvilluesit kane përdorur inspirimin e tyre kur behet fjale për gear dhe armor por akomi dhe Division e cila ka një sistem taktikal të mërzitshëm për equipment ishte më interesante. Gjithë ideja e inventarit në stil RPG është shumë e papërshtatshme me natyrën e lojës.

Sa i përket cosmetics, secili prej heronjve do të ketë kostume nga më të ndryshmet duke filluar nga klasikët, ne më të rinj, të preferuarit e fansave dhe shumë të tjerë të frymëzuar nga historia 80 vjecare e Marvel. Secili prej heronjve do të ketë mundësinë për të mbledhur monedha gjatë lojës ose nëpërmjet battle pass të secilit hero. Keto Battle PassET te emërtuara Hero Challenge Cards i lejojnë lojtarët të mbledhin Resources, Units, Credits dhe Cosmetics duke plotësuar sfida gjatë lojës. Shpërblimet merren nëpërmjet Challenges points duke plotësuar sfida të cilat janë ditore ose javore. Shpërblimet që mund të merrni përfshijnë emotes, takedowns, costumes, units upgrade modules dhe bundles nga më të ndryshmet. Keni parasysh se cosmetics nuk iu japin një avantazh në lojë.

Çdo Avenger është një guardian i veçantë i cili ka avantazhet dhe disavantazhet e tij në dyluftim. Çdo gjë është e supozuar të luaj një rol në betejë por kur vjen puna tek Black widow e cila është “karakteri më i dobët” behët e pandalshme nëse dini t’i përdorni mirë fuqitë e saj.

Hulk ka diferencë nga heronjtë e tjerë në ndjesinë që të lë në controller. Por të gjithë heronjtë kanë një suport, attack dhe një special ability si dhe të gjithë kanë një ranged ability. Hulk ka hedhjen e shkëmbinjve, Thor ka çekiçin e tij dhe Captain America mburojën e tij. Ajo çfarë ndryshon është mënyra e luftimit të secilit. Çfarë e bën të lodhshme ketë lojë nuk është gameplay i cili është i afërt me atë të God of War dhe nuk është i mërzitshëm. Marvel’s Avengers do që të jetë si nje God of War me frymën e Destiny por arkitektura, ndërtesat dhe hapësira janë të replikuara dhe të ripërdorura në një nivel të tepruar ku çdo gjë ka shenjë e AIM. Mund ta përshkruajmë shkurt si një lojë me mungesë fantazie në një bote e cila duhet të ishte e mbushur plot me imagjinatë. Objektivat e misioneve janë të limituara si një MMO tipike ky ato janë të përsëritura të stilit mbroni zonën, shkatërroni një objekt ose vrisni një numër të caktuar kundërshtarësh, dhe çdo bos i përdor këto elemente për ti shërbyer atij.

Bashkëpunimi ndërmjet heronjve ekziston dhe ofron momente argëtuese dhe mbresëlënëse kur aftësitë e Avengers kombinohen dhe toka behët vendi i tyre i luftës. Por ne do të donim që ajo të ishte shumë më fleksibile dhe të na lejonte të ndryshonim personazhet në lëvizje. Përveç faktit që të limiton zgjedhjet që ke bërë në fillim, të detyron të vizitosh zona të veçanta përsëri pasi A.I. nuk është i përgatitur sa të thyej një derë. Ripërsëritja e misioneve dhe ato çfarë përmban një mision nuk mund të jetë një justifikim për tu rikthyer pasi të mbaroni historinë.

Për sa i përket pjesës multiplayer, ose siç quhet ndryshe Avengers Initiative, në ketë moment mund të themi që duket plotësisht bosh. Por a mund të përmirësohet në të ardhmen? Ashtu si Destiny edhe Marvel’s Avengers mund të përmirësohet pasi Crystal Dynamics i ka lënë vetes mundësitë e duhura për ta bërë këtë dhe ne nuk shohim asnjë arsye pse JO, SIDOMOS pasi edhe historia e parë DLC e Hawkeye do të vijë së shpejti.

Për grafikat mund të themi që ishin të mahnitshme pasi ju mund të shikonit çdo detaj si në kostumet e super heronjve po ashtu edhe në objektet ose ambientin që keni përreth vetes. Gjithashtu na pëlqeu animacioni në betejë ose nëpër skena të ndryshme dhe sidomos fytyrat e protagonistëve të kombinuara me zërat hollivudiane të cilat dhanë një rezultat mbresëlënës.

Nga ana teknike mund të themi që edhe Marvel’s Avengers ashtu si çdo lojë tjetër në fillimet e veta ka bugs dhe glitches. Gjatë lojës mund të ndesheni me bugs si dhe framedrops por që nuk do t’iu prishin eksperiencën tuaj DHE ato do të rregullohen në patch-ET e ardhshëm

Kur flasim per muzikën, ajo u përshtatej në mënyrë perfekte me heronjtë duke na dhënë një emocion të veçantë, por kishte raste kur tingujt dhe zërat nuk ishin në sinkron me lëvizjet e personazheve.

Per ta përmbledhur, Marvel’s Avengers është një përzierje e pazakonshme të cilën nuk e prisnim. Historia ofron aventurë dhe aksion te shkëlqyer ku tregon heronjtë e vërtetë të Marvel në betejë dhe në përditshmërinë e tyre me një qasje kinematike. Pjesa multiplayer e cila është në thelb si Destiny ia ul vlerat lojës por kjo nuk do të thotë që në të ardhmen kjo pjesë nuk do të përmirësohet. Crystal Dynamics i ka lënë vetes hapësirat e duhura për ta përmirësuar atë. Derisa kjo gjë të ndodh, Marvel’s Avengers ia vlen të luhet për historinë e saj dhe për mënyrën se si është realizuar në lojë.