Lojtari i PT del nga shtëpia në lojë dhe eksploron hartën e plotë të Silent Hill

Fundi i Kojima Productions nën drejtimin e Konami është ende diçka që shumica prej nesh nuk e kanë kapërcyer, sado që Kojima Productions në vetëvete ka sjellë së fundmi Death Stranding. E dimë se Silent Hills e Kojima nuk ka për të ndodhur kurrë, por një pamje e re jashtë mureve kufizues të PT, na jep një ide më të mirë se çfarë mund të kishte qenë ky projekt.

Fundi i PT përmban një trailer të shkurtër për Silent Hills, me Norman Reedus në rrugët e qytetit të famshëm . Ky teaser tregohet i gjithi në in-engine në PlayStation 4. YouTuber-i Lance Mc Donald, ka gjetur një mënyrë për të dalë nga loop-i dhe për ta eksploruar vetë hartën e Silent Hill.

Mos prisni që të mund të përsërisni të njejtat hapa në shtëpi. McDonald e ndryshoi kodin e lojës, që kur ai hap derën e fillimit, në vend që të shkojë te file-i i hartës ose në loop-in e korridorit, ai e hap derën në një file tjetër, për vetë Silent Hill. Nuk ka përplasje në këtë hartë, meqë kurrë nuk u synua për tu përdorur në teaser, por një mod i mëtejshëm e lejon McDonald të eksplorojë qytetin.

Videoja është shumë e detajuar, por ende ka disa pika që të lënë të kuptosh se nuk kemi të bëjmë me një lojë të përfunduar. Shikoni klipin e mëposhtëm për të kuptuar më mirë se çfarë po flasim.