Lojtarët e Call of Duty: Mobile marrin 500 credits pas server downtime

Lum lojtarët që s’bënin dot log in

Call of Duty: Mobile nuk kishte një lançim perfekt. Loja hasi disa probleme me log-in që i ndalonin lojtarët të hynin në lojë. Fatmirësisht, për ata që ngelën jashtë, Activision dhuroi 500 credits. Dhurata shoqërohej bashkë me një mesazh nga zhvilluesi:

“Commanders, ju lutem pranoni këtë dhuratë si një shenjë të vlerësimit tonë mbi durimin e treguar gjatë server dowtime. Kërkojmë ndjesë për shqetësimin që keni përjetuar.”

Gjatë këtij downtime, lojtarët raportuan se kur e hapnin lojën ju dilte ‘update fail error’. Activision tha se kishte të bënte me një volum shumë të madh të trafikut në lojë. Problemet tashmë janë zgjidhur, ndaj mbi 2 milion lojtarët që e kanë shkarkuar do të jenë mjaft të lumtur ti bashkohen aksionit.

Rivalja shumë e pritur e PUBG Mobile nga Activision, Call of Duty: Mobile, tashmë mund të luhet në smartphone-t Android dhe iPhone në të gjithë botën. Loja first-person battle royale bazohet në të njëjtin univers si dhe seria Call of Duty dhe ka brenda saj harta, personazhe dhe armë të njohura nga lojërat e mëparshme.

Call of Duty: Mobile merr shumë elemente dhe vendndodhje nga katalogu 16 vjeçar që ka brenda tij lojëra si Modern Warfare dhe Black Ops. Prandaj, nëse jeni fans i vjetër i CoD, versioni mobile do ju bëjë të ndiheni si në shtëpi.

Në fund të fundit, Call of Duty: Mobile do t’i duhet të përballet me rivalët shumë të fuqishëm të zhanrës si: PUBG Mobile, Fortnite dhe Free Fire, të cilat janë më pëpara për shkak të kohës që iu desh Activision për të zhvilluar lojën. Na mbetet ende të shohim se si kjo gjë do të funksionojë për Call of Duty: Mobile.

Call of Duty: Mobile mund të shkarkohet në PlayStore dhe AppStore.