League of Legends reagon pasi Fall Guys bëhet loja më e parë e javës

Në javët e para pas lançimit të saj, Fall Guys ka kaluar çdo pritshmëri si në shifra shitjesh edhe në shifra shikueshmërie.

Shikueshmëria e Fall Guys specifikisht ka qenë goxha lart që në datën e lançimit të saj. Kjo falë disa prej figurave më të mëdha të streaming që e kanë luajtur atë. Në një pikë Fall Guys u bë “loja më e parë”, duke kaluar edhe shikueshmërinë mesatare të League of Legends gjatë javës së shkuar.

Për ta ngacmuar pak plagën, adresa e Fall Guys postoi në ndjesë sarkastike në Twitter ndaj League of Legends. Adresa e LoL i ktheu përgjigje duke i uruar Fall Guys fat në udhëtimin e tij.

Përgjatë javës së shkuar, shikuesit kanë parë 30.6 milionë orë të Fall Guys, sipas Twitch Tracker. Streamerat kanë përfituar nga ky shpërthim popullariteti që ka patur loja, me TimTheTatman që mori më shumë se 1 milionë shikues unikë, teksa merrte fitoren e parë në lojë.

Jo vetëm që streameri kapi një mesatare prej 182,000 shikuesish, por gjithashtu fitoi 78,431 followers të rinj dhe 5,665 subscribers të rinj gjatë stream-it të tij prej shtatë orësh.