Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjithashtu zbulohet dhe nje trailer i lojes
Football Manager 2020 është zbuluar zyrtarisht dhe padyshim që do t’ju lejë pa gjumë kur të vijë gjatë këtij viti. Sports Interactive ka zbuluar gjithashtu një trailer të ri për lojën, të cilin mund ta zbuloni më poshtë.
Trailer-i duket se fokusohet shumë në aspektin e mediave sociale të lojës, duke pasur në të tweet-e të ndryshme, reagime në Instagram si dhe zhanrin më fisnik të YouTube, Njeriun e Nevrikosur Që Bërtet në Makinë. “Të gjithë kanë një opinion,” – mund të lexohet në trailer. “Bëj diçka me tëndin.”
Padyshim, ky është gjithashtu dhe koncepti dhe ideja kryesore e Football Manager. Loja është një simulim i bazuar në të dhënat e lojtarëve në jetën e vërtetë dhe të jep mundësinë të shikosh nëse vërtet mund ta menaxosh një klub futbolli më mirë se ata tipat që fitojnë bukën e gojës duke e bërë këtë gjë. Pra, me pak fjalë, është ëndrra e çdo fansi futbolli që mendon se blerjet e ekipit të tij janë të pakuptimta. Padyshim që shumicën e kohës thjesht do shohësh të dhënat e lojtarëve, por rëndësi në fakt ka ajo çfarë bën me këto të dhëna.
Sports Interactive gjithashtu ofron atë që ata e quajnë “Bonus i Hershëm” në formën e një uljeje prej 10% në versionin e lojës në Steam. Ky version gjithashtu përfshin akses në beta-n e lojës përpara lançimit, e cila do të vijë pak a shumë 2 javë përpara se loja të lançohet zyrtarisht në nëntor.
Karrierat që nis në versionin single-player të lojës në beta do të transferohen në lojën e plotë, gjë e cila është shumë e mirë.
Blerja e versionit në Steam të lojës gjithashtu të jep mundësinë të përdorësh Football Manager 2020 Touch, aplikacionin shoqërues për mobile. Ai të lejon ty të merresh me formacionet dhe praktikën e ekipit pa pasur nevojë të ngrihesh dhe të përdorësh kompjuterin, çka është padyshim diçka e mirë.
Football Manager 2019 u prit mjaft mirë nga fansat e lojës, prandaj shpresojmë që e njëjta gjë të ndodhë me versionin e këtij viti dhe gjithashtu të kemi përmirësime të shumëta në të.
