Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Lojërat e Red Dead Redemption kanë qenë pa frikë disa nga hitet më të mëdha në industrinë e gaming, duke i mbajtur lojtarët të zënë me vite pas lançimit të tyre. Pa patur ende asnjë informacion nëse një Red Dead Redemption i tretë do të vijë ose jo, fansat janë duke kërkuar për më shumë kontent të kësaj serie dhe kanë shpresuar që pse jo të bëhej edhe një film i bazuar në to. Një fans madje ka krijuar edhe konceptin e tij të një traileri të mundshëm për një film të Red Dead Redemption.
Rockstar Games, zhvilluesi i serisë së Red Dead, teknikisht e ka një film në listën e tij. Por përtej filmit të shkurtër të Red Dead Redemption: The Man From Blackwater, që u prodhua për të promovuar lojën e parë, asnjë plan i mëtejshëm për një adaptim filmik nuk është bërë.
CEO i kompanisë mëmë, Take Two, bëri një deklaratë në 2016n, se kompania hezitonte që të bënte filma nga lojërat, sepse këta të fundit mund të dëmtonin reputacionin e lojërave. Një vendim i drejtë, por zhgënjyes për shumë fansa që donin të shikonin një adaptim kinematografik.
Filmat e bazuar në videolojëra nuk para janë të suksesshëm, por kjo nuk i ka ndaluar fansat që të imagjinojnë skenarët e tyre perfektë të kokë. YouTuber-i Smasher përshembull, na sjell trailerin e mëposhtëm për një film të mundshëm të Red Dead Redemption, me në qendër Kit Harington nga Game of Thrones.
Duke përdorur kryesisht pamje nga filmi perëndimor i Harington, Brimstone, traileri i filmit bën një punë të shkëlqyer në përfytyrimin e tij në rolin e John Marston. Ç’është e vërteta ai do të ishte një zgjedhje ekselente për rolin e Marston, nëse një ditë do të bëhej vërtetë një film i Red Dead Redemption.
Nëse Red Dead Redemption do i bashkohej komunitetit të filmave, pritshmëritë do të ishin shumë të larta. Por nëse do të arrite ta bënte këtë gjë siç duhej, mund të ishte ai film që më në fund do të thyente traditën e adaptimit të keq të videolojërave në film, që ka ekzistuar prej kaq shumë kohësh tashmë.
