Ky teaser i ri i PUBG sugjeron një transformim të Sanhok

Më në fund.

Kur Sanhok u publikua në qershor të 2018s mori reagime të miksuara nga njerëzit. Harta, që ishte e treta që ju shtua PUBG, ishte e mbushur me jeshilllëqe, duke e distancuar veten nga sfondi më urban që paraqisnin hartat e tjera të PUBG. Tashmë dy vite më vonë, PUBG Corp më në fund do të sjellë një version më të përmirësuar të Sanhok.

Screenshots të Sanhok Mark II u postuan në Twitter, të cilat tregonin layout-in më simetrik të Bootcamp dhe Party Zone, që duket se do të zëvendësojë docklands. Sado që kishim mundësinë e të parit të një pamjeje të vogël të këtyre dy vendeve, duket qartë se skuadra e zhvillimisht vërtet ka punuar për ta përmirësuar.

Te fotoja e Bootcamp mund të shikoni se është shtuar një urë e re, duke e lidhur një ishull me tjetrin. Ka edhe një hapësirë të madhe në të djathtë, që shumë veta mendojnë se do të zëvendësohet nga magazina.

Docklands gjithashtu është zëvendësuar nga Party Zone, që ka brenda saj ndërtesa të përmasave të ndryshme, përfshirë këtu BangBang Indoor Boat Storage dhe Black Cat Club.

Duke marrë parasysh se sezone të mëparëshme të kanë qenë të lidhura me harta ekzistuese, ka gjasa që Season 8 i PUBG, që pritet të vijë në javët e ardhshme, të rrotullohet rreth Sanhok.