Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Shikoni pamjet e para të Crypto, Halloween skins, armëve etj.
Në një konferencë të GameStop në Nashville, Tennessee, lojtarët mund të kenë parë disa informacione ende të panjoftuara nga Respawn përsa i përket Apex Legends. Në mesin e gjithë këtyre surprizave është një personazh i ri, një armë e re dhe kontente me tematikë Halloween-i.
Imazhet që u postuan në Reddit, tregojnë një pamjet e gjërave që do të vijnë së shpejti në Apex Legends.
Së pari mund të shohim pamjen e Crypto, legjendës më të re që do të vijë në lojë. Ai duket relativisht më normal në krahasim me Octane dhe Watttson me një xhaketë gri me të verdhë dhe një pistoletë në krahun e tij të djathtë. Mua personalisht më jep pak idenë e Tom Hardy kur e shikoj.
Është e mundur që ta kemi parë Crypto edhe më parë në trailerin e sezonit të dytë. Në fillimin e tij vihet re një personazh shumë i ngjashëm me këtë që shohim sot. Ai gjithashtu është shfaqur më parë në sfondin e një ilustrimi artistik për Pathfinder.
Dataminers kanë zbuluar informacione për Crypto më parë dhe tani këto leaks janë bërë më të vërteta se kurrë. Gjithsesi mbetet të zbulojmë më shumë mbi aftësitë e tij kur Crypto të vijë live në Apex Legends.
Rradhën pastaj e ka Charge Rifle, e cila mendohet të jetë arma e ardhshme që do të vijë në Apex. Ka disa foto të armës në aksion, por derisa të shikojmë ndonjë video të saj ose ndonjë njoftim nga Respawn, do të mbetet e vështirë për të dalluar veçoritë e saj.
Me ardhjen e tetorit pastaj do të vijë dhe Halloween-i dhe personazhi i Gibraltar do të marrë një skin të frymëzuar nga Frankenstein. Është bërë e rrugës tashmë që lojërat online të organizojnë evente Halloween-i me skine dhe tematika të tilla në lojë.
Së fundmi duket se setet në kuti gjithashtu mund të vijnë në të ardhmen. Këto mund të jenë për fansat ose mund të jenë një mënyrë që Respawn të shesë cosmetics dhe monedhën e lojës në mënyrë fizike. Paketimi është goxha mirë dhe në pamje të parë ka legjendat Bloodhound dhe Lifeline.
Personazhi më i fundit i Apex Legends ishte Wattson. Sipas skuadrës pas Apex Legends, personazhet duan rreth një vit e gjysëm për tu krijuar, pra logjikisht i bie që Crypto të ketë kohë që është në punë e sipër. Gjithsesi mbetet të shohim produktin final kur ai të vijë në lojë.
