Ky glitch në Fortnite ju lejon të ndryshoni përmasat e personazhit tuaj

Lojtarët e Fortnite mund të ndërrojnë skinet ose cosmetics të tjera në lojë për të ndryshuar pak mënyrën se si personazhi i tyre duket në lojë. Është një mënyrë kjo për të shtuar pak më shumë shije në avatarin tënd në lojë, në vend që të dukesh si të gjithë personazhet e tjerë standartë.

Po sikur të kishte një tjetër opsion për ta bërë personazhin tuaj edhe më unikë? Ndoshta të ndryshonit plotësisht mënyrën se si ata duken në lojë? Një glitch i ri në Fortnite Chapter 2 e mundëson këtë, duke i bërë personazhet të duken si gjigandë ose të vegjël si milingona.

YouTuber-i ‘penguinzomby’ ka treguar se sa e thjeshtë është që ta riprodhosh këtë glitch. Në një video të pstuar në 19 nëntor, ai i tregoi lojtarëve hap pas hapi si të aktivizonin modelet me përmasa të çuditshme të personazheve.

Duke shkuar në island 6098-5140-3070 dhe duke ndjekur instruksionet e shkruara në muret e hartës, lojtarët do të mund të ndryshojnë përmasat e modelit të personazhit të tyre, me lehtësinë më të madhe.

Lojtarët ende do të lëvizin në ritmin e zakonshëm. Kjo do të thotë që personazhet e zvogëluara do të hidhen në hartë, kurse ata të mëdhenjtë do të lëvizin me hap kërmilli.

Ndërveprimet e tjera me hartën mbeten të njejta. Nuk mund të futeni në hapësira tmerrësisht të vogla vetëm se jeni të minimizuar dhe personazhet e zmadhuara ende mund të qarkullojnë rreth ndërtesave, vetëm se gjërat do të duken pak në kënd të çuditshëm. Gjithashtu as nuk mund ta përdorni për avantazh kompetitiv, na vjen keq.

Në fund të ditës është një mënyrë argëtuese për t’i ndryshuar pak gjërat në Fortnite. Nëse keni patur ndonjëherë fiksim të ecni në hartë në një perspektive tjetër, atëherë përdoreni këtë glitch përpara se Epic ta heqë nga loja.