Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Përmes kartave të vjedhura të kreditit këta kriminelë kryejnë shit-blerjen e V-Bucks
Kriminelët po përdorin monedhën e lojës Fortnite për të pastruar para, raporton gazeta Britanike The Independent.
Lojtarët e Fortnite gjejnë përdorim te V-Bucks për të të blerë cosmetic items teksa luajnë. Ndërkohë që zhvilluesi Epic Games i shet këto V-Bucks brenda lojës, kriminelët në të zezë i shesin në çmime shumë më të ulëta te lojtarët që bien kollaj pre e mashtrimeve.
Gazeta kreu një hetim në bashkëpunim me kompaninë e sigurisë kibernetike Sixgill, për të zbuluar se kush ishte burimi i këtyre skemave. Kriminelët shpenzonin para nga karta të vjedhura të kreditit për të kaluar V-Bucks në adresat e lojtarëve. Në fund paguheshin me paratë e vetë lojtarëve. I gjithë ky mekanizëm e kthen Fortnite në një makineri të pastrimit të parave. Paratë e paligjshme shkojnë në duart e Epic dhe ato të pastrat në duart e kriminelëve.
Një analist në Sixgill i quajtur Benjamin Preminger tha në një intervistë me The Independent se Epic po i lejon vetë këta njerëz të kryejnë të tilla veprime dhe se kriminelët po përfitonin nga masat e dobëta të sigurisë që ka kompania. Kjo gjë madje i tërheq menjëherë njerëzit drejt të tilla situatash.
Epic ju thotë lojtarëve vazhdimisht përmes ekranit se duhet të ruhen dhe se nuk duhet të bien pre e mashtrimeve të V-Bucks, por Preminger mendon se kompania mund shumë lehtazi të bëjë diçka kundër tyre. “Duke monitoruar transfertat brenda lojës, duke identifikuar lojtarët me sasi të mëdha të V-Bucks dhe duke i ndarë këto statistika me profilet e duhura ligjore, Epic mund ti parandalojë të tilla probleme.”
Këta kriminelë i mashtrojnë lojtarët duke ju thënë se thjesht janë njerëz shumë të pasur që duan të ndihmojnë të tjerët me V-Bucks. Sigurisht që kaq i mjafton lojtarit mesatar të Fortnite për të rënë menjëherë pre e skemave.
Komentet dhe reagimet e Epic rreth këtij artikulli nga The Independent kanë qenë të frenuara. Ende na mbetet të presim se çfarë masash do të marri kjo palë karshi të tilla situatave në të ardhmen.
