Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Larry Tesler ishte një prej shkencëtarëve kryesorë të Apple në vitet ’90 dhe kontribuoi shumë në fushën e ndërveprimit njeri-kompjuter
Shkencëtari kompjuteri Larry Tesler, i cili ishte një prej figurave kryesore të Apple në vitet ’80 dhe ’90, u nda nga jeta gjatë ditës së hënë në moshën 74 vjeçare.
Tesler e nisi karrierën e tij në vitet ’60 si programues dhe kërkues për AI në Stanford, përpara se t’i bashkohej Xerox në vitin 1973. Gjatë kësaj kohe, ai së bashku me Tim Mott krijuan komandat Cut, Copy dhe Paste, të cilat ne i përdorim gjatë gjithë ditës dhe që i harrojmë se ekzistojmë. Ai nuk e krijoi idenë e lëvizjes së tekstit dixhital, por krijoi metodën specifike si dhe i vendosi emrin komandave.
Në 1980, Tesler iu bashkua Apple. Ai kontribuoi fillimisht për Apple Lisa dhe ndërfaqen grafike, gjë e cila rriti popullaritetin e komandave për copy-paste. Në 1986, ai u bë zv. presidenti i teknologjive të avancuara tek Apple, ndërsa në vitin 1993 u bë zv. president i kompanisë dhe shkencëtar kryesor.
Tesler padyshim që kontribuoi më shumë se thjesht me Ctrl-C dhe Ctrl-V. Ai ishte një faktor kyç në krijimin e Macintosh, HyperCard, MacApp, QuickTime, Apple Script dhe më shumë.
Pasi u largua nga Apple në 1997, Tesler themeloi kompaninë Stagecast Software dhe gjithashtu punoi për Amazon, Yahoo dhe kompani të tjera përpara se të bëhej një këshillues në 2009.
