Këto janë patch notes për Fortnite Update v11.31

Update i ri i Fortnite sjell Winterfest 2019

Me stinën e dimrit që tashmë ka ardhur, Epic ka sjellë patch-in v11.31 në Fortnite, i cili i shton pak atmosferë festive lojës popullore battle royale. Edhe pse shumica presin që ky update të jetë i vogël për shkak të emrit, update v11.31 do të jetë një prej më të mëdhenjve në Fortnite Chapter 2, duke sjellë shumë ndryshime festive në lojë me rastin e festave të fundvitit.

Ndër këto ndryshime është fillimi i Winterfest, eventi i shumëpritur në lojë i cili do të transformojë Fortnite dhe do të mbulojë të gjithë hartën me dëborë.

Winterfest 2019 ka sjellë në Fortnite dhurata falas dhe sfida të reja me rastin e festave të fundvitit.

Eventi pritej të niste të martën, në 17 dhjetor, por dita erdhi dhe asgjë nuk po zbbulohej në lojë, duke i konfuzuar lojtarët që po prisnin për Winterfest. Me lançimin e update v11.31, eventi më në fund ka nisur, duke iu dhënë lojtarëve shumë gjëra të reja për të bërë ndërkohë që kërkojnë të arrijnë Victory Royale.

Lojtarët mund të klikojnë tek floku i borës në menunë kryesore për të hyrë në Winterfest Lodge, ku çdo ditë mund të marrin një dhuratë të re  nga Epic Games, me dy outfits, dy gliders, dy pickaxes, dy wraps, një emote dhe më shumë që do t’i dhurohen lojtarëve.

Përveç kësaj, ka gjithashtu dhe Winterfest Challenges të cilat mund të gjenden në çorapet brenda Lodge, të cilat ofrojnë shpërblime dhe XP, si dhe pjesën speciale “Home for the Holidays” të eventit, e cila rikthen në lojë disa prej armëve të preferuara të lojtarëve dhe risjell Limited Time Modes nga 18 dhjetori – 2 janar.

Lojtarët e Fortnite gjithashtu duhet të luajnë sërish në hartën e mbuluar nga dëbora, e cila rikthehet në lojë gjatë Chapter 2 për të festuar Winterfest.

Jo vetëm që harta do të mbulohet nga dëbora, por lojtarët e Fortnite mund të eksplorojnë dhe ndërtesa të reja, siç janë Ice Hotel, një fabrikë lodrash dhe një ndërtesë skish, të cilat kanë ardhur në ishull duke sjellë loot për lojtarët.

Edhe pse që në patch v11.30 harta kishte filluar të mbulohej në disa pjesë me dëborë, leakers kanë zbuluar plotësisht se si do të duket harta e Fortnite kur të mbulohet e gjitha nga bora.

Një prej rikthimeve më të mëdha është rikthimi i Zone Wars LTM, me dy mode Solo dhe Party që i japin mundësi lojtarëve të provojnë aftësitë në hapësira të vogla. Lojtarët mund të zgjedhin midis katër hartave, me Colosseum, Desert, Downhill River dhe Vortex të cilat janë rikthyer.

Update v11.31 në Fortnite gjithashtu ka rregulluar disa bugs të ndryshëm, të cilët mund t’i shikoni këtu.