Keanu Reeves i ka kërkuar zhvilluesve të Cyberpunk 2077 që t’i rrisin prezencën në lojë

Mund të kaloni më shumë kohë me mikun tuaj virtual

Johnny Silverhand, personazhi i Keanu Reeves në Cyberpuk 2077, shfaqet më shumë seç pritej në lojë falë aktorit të John Wick. Johnny jeton brenda kokës së protagonistit V, në një chip i cili e lejon atë të shfaqet kudo, por duket se Reeves ka kërkuar që personazhi i tij të ketë një rol më të madh në lojë.

Në Lucca Comics and Games Festival në Itali, aktori italian i zërit Luca Ward tha në një intervistë se koha e tij në lojë ishte dyfishuar falë aktorit. Reeves mesa duket po e shijonte aq shumë lojën sa i kërkoi CD Projekt Red të rriste kohën që ai shfaqej në skenë.

Reeves nuk është se nuk është i zënë këto kohë, por puna e tij shtesë me shumë mundësi që vlerësohet nga aktorët e tjerë që luajnë Johnny Silverhand. Në korrik, drejtori i historisë Marcin Blacha tha gjithasthu se Reeves e kishte bërë personazhin më kompleks.

CD Projekt Red nuk kishte në plan të merrte një aktor të njohur, por Reeves u lidh mjaft mirë me personazhin dhe gjithashtu shtoi elemente të vetat tek ai. “Një aktor i mirë si Keanu i jep më shumë shpirt personazhit me një element të veçantë nga vetë ai,” – tha Blacha.