Ju duhen $800 realë për të blerë çdo gjë në Diamond Casino të GTA Online

Ose ndryshe $63,548,081 para brenda lojës

Tani që Diamond Casino & Resort i GTA Online ka hapur dyert për të gjithë, është krijuar një ide se sa mund t’ju kushtojë kjo DLC. Përshebull një anëtarësim i thjeshtë në kazino do ju kushtojë 500 dollarë të lojës. Mund të merrni edhe VIP Membership për 50,000 dollarë loje. Të dyja këto mund të merren shumë kollaj përmes Red Shark e cila në jetën reale kushton $2.99 dhe ju ofron $100,000 në lojë. Sidoqoftë, nëse doni të merrni çdo gjë të re që kjo DLC ofron, do ju shkojnë shpenzimet shumë më shumë se aq. Për të folur fiks, diku te $800 të vërteta.

Një modder i GTA ka llogaritur se sa mund të kushtojë në para reale, nëse një individ hipotetikisht blen çdo gjë që Diamond Casino & Resort ka për të ofruar.  Në total dolën $63,548,081 para brenda lojës. Kjo shumë vinte nga totali i disa llogarive si: casino, rroba, dekorime, tatuazhe, automjete dhe mode automjetesh.

Për ti përkthyer të gjitha këto në para reale, $63.5 milion do ju kushtonin rreth $800. Duhet theksuar se personi që i bëri këto llogari shtoi në tweet-in e tij se ky ishte rezultati i marrë nëse do të blihej çdo gjë. Në të njejtën kohë ai shtoi se nuk mund të kesh stile të ndryshme të kazinove, rrobat përfshijnë totalin dhe për meshkujt dhe për femrat etj. Pra nëse do të aplikohej në praktikë ideja e të blerit të çdo gjëje, do ti binte më pak se $800.

Nëse dikush do që ti shohi të gjitha, duhet pranuar se si update është mjaft i kripur. Vetëm automjetet, ata që janë për momentin në lojë dhe ata që priten të vijnë, duken të shtrenjta nëse i kthen në para reale.

Duke qenë se loja të lejon të harxhosh para reale në çipet e lojës edhe për lojërat e kazinosë e ka bërë Rocktar të duket mjaft kontradiktor në tematikën e kumarit në videolojëra. Gjithsesi për momentin do ju këshillonim që të qëndronit vetëm në blerjen e një makine.