Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
The Last of Us do të vijë më në fund në ekranet tona si një serial i HBO. Pyetja që po kalon në mendjen e të gjithëve tani është kush duhet ta luajë personazhin kryesor Joel? Personazhi i Joel ju fal lojtarëve mundësinë që të portretizojnë një trafikant karizmatik, i cili po përpiqet të mbijetojë në një Amerikë post-apokaliptike.
Duke shmangur armiq dhe mutantë të infektuar, Joel ka për detyrë të mbrojë një vajzë të re të quajtur Ellie, e cila duket të jetë imune ndaj virusit. Meqë ka humbur vajzën e tij të vërtetë para disa vitesh, Joel i jepet një mundësi e dytë.
Drejtuesi i serialit do të jetë Craig Mazin nga Chernobyl në bashkëpunim me Neil Druckman, që ka qenë drejtori i lojërave.
Gjithsesi le të kalojmë direkt në temë dhe të analizojmë se kush duhet ta luajë Joel?
OSCAR ISAAC
Një foto e Oscar isaac me një mjekër në Inside Llewyn Davis mund të jetë mjaftueshëm për t’ju bindur se aktori nga Guatemala është zgjedhja e duhur për rolin e Joel në The Last of Us. Tani që roli i tij si Poe Dameron në trilogijinë Star Wars të Disney po vjen drejt fundit, ai mund të jetë në kërkim të rolit tjetër të madh.
Me reagimin që kishin fansat me Star Wars: The Rise of Skywalker, vetë Isaac mund të dojë që të heqë kujtimin e filmit dhe një performancë në The Last of Us, do të ishte kura perfekte.
BEN AFFLECK
Ben Affleck është më në fund i lirë nga detyrimet e tij me Batman. Ai do të shihet së shpejti në dramën The Way Back. Filmi ndjek historinë e një burri që përballet me demonat e tij, në luftë me alkoolin, që i jepet një mundësi e dytë kur i kërkohet të vijë si trajner basketbolli në ish skuadrën e tij të gjimnazit. Filmi është padyshim shumë personal për Affleck, i cili ka patur probleme me alkoolin edhe në jetën reale.
Në një intervistë të mbajtur së fundmi ai ka thënë se të vetmet role për të cilat është i interesuar tani janë ato si Jack në The Way Back. Joel në The Last of Us gjithashtu i përshtatet përshkrimin. Tematika e vajtimit, dhe dëshpërimit e veshin personazhin nga koka te këmbët.
Problemi në këtë rast është se sa i gatshëm do të ishte ai që të qëndronte aktiv për disa sezone. Përgjigjja e kësaj pyetje është jo shumë i gatshëm, por nuk i dihet kurrë.
TRAVIS FIMMEL
Edhe ky aktor është i lirë nga detyrimet e tij, pasi u largua nga seriali Vikings në sezonin e 4. Aktori australian së fundmi ka mbyllur katër projekte filmash dhe është shfaqur edhe në një serial të ri. Kjo e lë të hapur orarin e tij për të marrë një rol tjetër të madh, ndoshta në adaptimin e një videoloje si serial?
Plus të gjithë e dimë që mund të rrisë një alamet mjekrre, perfekte për Joel në The Last of Us. Disa prej fansave mund të mendojnë se Fimmel është shumë i ri për rolin, por aktori është në fakt 40 vjeç, ndaj e merr aprovimin tonë.
NIKOLAJ COSTER-WALDAU
Mjafton të shohim Jamie Lannister, të luajtur nga aktori danez Nikolaj Coster-Waldau, me mjekrrën e tij në sezonin e 3 të Game of Thrones dhe jemi të bindur që ai mund ta realizojë shumë mirë rolin e Joel në The Last of Us. Kjo pa marrë parasysh talentin fantastik që ka aktori.
Për më shumë prova të aftësive të këtij aktori, mund të hedhim sytë në filmin A Second Chance (2014).
