Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Apex Legends padyshim që kishte një nga lançimet më të mira dhe të suksesshme që kemi parë ndonjëherë në ndonjë lojë battle royale. Ndonëse lojëra si Fortnite iu deshën muaj për të ndërtuar bazamentin e fansave dhe prezencën në Twitch, Apex i kapi këto numra që në ditën e parë. Gjithsesi mungesa e update-eve , shtimi i bugs-ave dhe konkurencës, duket ta kenë rrëzuar Apex Legends nga lavdia e lançimit.
Në muajin e parë të lançimit, 50 milion lojtarë shkarkuan Apex Legends në kërkim të një eksperience të re Battle Royale. Në fillim loja ofronte shumë tipare të këndshme dhe jo vetëm. Përmirësime krahasuar me formulën e zakonshme që ishim mësuar të shihnim në battle royale-t e tjera ishin prezente. Këtu përmendim Pings dhe Squad Respawn. Gjithsesi që nga ajo pikë i gjithë ky vrull thjesht ndali.
Deri në patch-in e parë të lojës, Apex Legends ishte në rregull. Problemi ishte që ajo që mendohej të ishte thjesht një update që do rregullonte bugs-at, thjesht shtoi më shumë glitche në lojë. Në këtë pikë lojtarët filluan të fluturonin dhe armët nuk po punonin mirë.
Sado që bugs-at janë pjesë e çdo video-loje, ato të Apex Legends e mbushën pak kupën. Patch-i i fundit i Respawn, Update 1.1 e çoi në zero të gjithë progresin e lojtarëve në momentin që ata bënin log in. Pak orë pas këtij problemi zhvilluesi mbylli të gjithë serverat dhe më vonë implementoi një patch tjetër që e rregullonte problemin.
Çfarë e bën edhe më keq situatën është se patch-et nuk kanë kuptim. Në total Apex Legends ka patur vetëm tre patch-e për balancë dhe shumica e tyre kanë qenë thjesht nerfe. Dy muaj pas lançimit dhe Apex ka shtuar vetëm një personazh të ri dhe një armë të re. Ndërkohë që patchi v8.10 i Fortnite solli tre ndryshime në balancim, ripunoi me makineritë e lojës dhe përmirësoi animimet.
Mund të duket sikur Respawn është thjesht në fillimet e saj me battle royale-in, por sipas zhvilluesit ky hap i ngadaltë është i qëllimshëm. Respawn nuk do që ta ndryshojë shpesh Apex Legends, pasi do që lojtarët të adaptohen mirë me lojën dhe të mos përballen çdo dy sekonda me ndryshime madhore që mund të ndikojnë në mbarëvajtien e ecurisë së tyre në lojë.
Lojtarët nga ana tjetër mund të mos jenë shumë dakord me këtë ide. Kjo dallohet nga rënia e numrit të tyre. Respawn nuk ka publikuar ndonjë numër prej kohësh tanimë, por mjafton të hedhim një sy nga Twitch për të kuptuar si po ecën gjendja. Apex Legends ka patur një mesatare prej rreth 200,000 shikuesish në javën e parë, kurse tani ka rënë në 50,000.
Problemi tjetër madhor dhe ndoshta më kryesori është mungesa e kontentit. Pa patur përmbajtie të re në lojë normalisht që do trashesh duke e luajtur. Fortnite, mbreti i battle royale-it është shembulli perfekt për këtë rast.
Epic e update-on Fortnite çdo javë. Një armë ose një send i ri vjen minimalisht në çdo patch. Shtojmë këtu edhe mode të reja dhe pika interesi në hartë. Në patch v8.30 Epic shtoi konceptin e respawn me Fortnite Vans, game mode-in Fly Explosives dhe eventin Buccaneer Bounty. Të gjitha këto vetëm një javë pasi një armë e re ishte prezantuar. Është një ritëm shumë i shpejtë, por të paktën kurrë nuk i lë lojtarët të mbeten në mëshirën e së vjetrës.
Ajo çfarë i bën gjërat edhe më keq për Apex Legends është se Epic vazhdon ta përdori si frymëzim për Fortnite, ose e thënë ndryshe, vazhdon ta kopjojë. Vetëm pak javë pasi Apex Legends u lançua, Epic solli sistemin Ping dhe në update-in e fundit konceptin e Respawning. Të vetmet dy elementë që e bënin Apex të dallonte nga lojërat e tjera të zhanrës së saj.
Në fund duhet të kemi parasysh se e gjitha kjo është totalisht normale. Këto janë të njejtat probleme që edhe Fortnite edhe PUBG kanë hasur në fillimet e tyre. Dallimi i vetëm është se në atë pikë ato nuk kishin ende kaq audiencë sa t’iu bëhej e dallueshme. Besojmë se njëlloj si me Fortnite dhe PUBG, zhvilluesit e lojës do të gjejnë se ku po çalon dhe do të bëjnë maksimumin e tyre për ta rregulluar.
