Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Loja 4X e Amplitude Studios i jep mundësi lojtarëve të përziejnë dhe të bashkojnë kultura të ndryshme
Humankind duket se do të jetë një konkurrente e fortë e Sid Meier’s Civilization. Loja strategjike 4X pritet të vijë vitin e ardhshëm dhe me çfarë mund të shikojmë nga demoja, duhet të jemi vërtet entuziastë për të. Amplitude Studios, zhvilluesi i lojës i cili është në pronësi të SEGA, duket se po implementon disa ide të reja në formatin që ka shumë vitë që është dominuar nga seria e Firaxis. Ky zhanër duket se më në fund po merr një lëkundje të merituar.
Ideja bazë e lojës është fare e thjeshtë dhe shumë e njohur tashmë, por diferenca bëhet tek detajet e saj. Në fillim nis me një Settler në një hartë të mbushur me gjashtëkëndësha, që ka në të kodra, pyje, lumenj dhe burime të tjera natyrore të veçanta. Ti krijon një qytet, zbulon teknologji të reja, ndërton njesi të reja luftarake dhe ndihmëse, eksploron, krijon rajone, lufton kundërshtarë, zgjeron territorin, ndërton Mrekulli të Botës dhe tenton të bëhesh civilizimi më impresionues në botë.
Megjithatë, këtu gjërat fillojnë të bëhen interesante. Në vend që të zgjedhësh një civilizim të caktuar siç bën në Civilization, pra të jesh aztek ose gjerman ose zulu, këtu ke mundësi të zgjedhësh ndërmjet kulturave të ndryshme në 6 periudha të ndryshme të historisë botërore. Pra, në epokën e bronzit mund të jesh një hitit, një egjiptian, një olmek ose një prej 7 civilizimeve të tjera. Secili prej tyre ka veçoritë e veta për sa i përket njesive dhe veçorive të tyre. Njëri mund të i jetë më i mirë në teknologji, ndërsa një tjetër në ushtri.
Për shëmbull, nëse bëhesh egjiptian, merr avantazhe nga lumenjtë dhe piramidat. Ushtritë janë të krijuara kryesisht nga karroca. Kur era klasike fillon, të ofrohen dhe 10 kultura të reja, një prej të cilave janë romakët. Kur bën zgjedhjen tënde, mban të gjitha veçoritë e egjiptianëve, por gjithashtu fiton dhe ato të romakëve, siç janë legjionet, industria e hershme dhe rrugët e përmirësuara. Secila prej 6 periudhave historike të ofron 10 kultura të ndryshme, deri në epokën moderne.
Në mënyrë strategjika, ti zgjedh kulturat që i përshtaten nevojave të tua gjatë historisë. Nëse arrin epokën e herët moderne dhe je mbrapa me teknologjinë, duhet të zgjedhësh një civilizim që i përmirëson pozitat e tua. Gjithashtu ke mundësi që civlizimin tënd ta përshtatësh sipas preferencave dhe tendencave të tua personale.
Kur loja progreson, civilizimi që ti ke krijuar, qytetet, kultura, ushtria kthehen në një përzierje të çuditshme me influenca nga më të ndryshme. Karrocat egjiptiane evolojnë dhe modernizohen, por gjithsesi ruajnë pamjen e tyre egjiptiane. Mrekullitë antike të Afrikës veriore mund të gjenden fare pranë katedraleve mesjetare europiane.
Kur ti arrin të bësh zgjedhjet e tua nga 10 opsionet në çdo epokë, ti arrin të krijosh një civilizim komplet të veçantë. E njëjta gjë ka ndodhur dhe me kundërshtarët e tu, të cilët kanë krijuar një kulturë të tyren unike.
“Historia vërvitet rreth bashkimit të kulturave dhe civilizimeve“, – thotë drejtori kreativ i Amplitude Romain de Waubert. “Ato janë duke u shkrirë vazhdimisht së bashku“. Këtu, ai jep shëmbullin e influencës së grekëve tek romakët, të romakëve tek periudha e rilindjes dhe të të trejave së bashku tek iluminizmi.
Harta e lojës duket mjaft e bukur dhe në të njëjtën kohë është sa realiste, ashtu edhe e zbukuruar dhe e përshtatur. Qytetet kanë një pamje të pastër dhe të qetë. Krijesa dekorative vijnë vërdallë fushave të gjëra ku njesitë luftarake mashtojnë nga gjashtëkëndëshi në gjashtëkëndësh, gjë që na sjell te lufitmi i lojës.
Secila prej ushtrive është një kombinim i njesive të ndryshme të organizuara gjatë historisë sipas përfitimeve taktike të secilës. Pra, mund të kesh topa mesjetarë afër luftëtarëve antikë me kalë, të cilët mbështeten nga falanga klasike dhe luftëtarë me heshta të rilindjes.
Në hartën kryesore, çdo ushtri lëviz si një ikonë e vetme, por kur dy ushtri armike fillojnë të luftojnë, ikonat zgjerohen në një hartë të dytë fushëbeteje. Kjo hartë tregon se si është formuar çdo ushtri dhe jep një pamje shumë më të qartë dhe të detajuar të terrenit.
Betejat në Humankind janë të ngjashme me ato të X-Com. Demoja e Amplitude në Gamescom mbyllet në këtë pikë, por duket se çdo lojtari i jepen 9 rradhë për të mundur kundërshtarin. Ky patjetër që është një ndryshim i madh nga luftimet me gjashtëkëndësha të Civilization.
Studioja pariziene Amplitude është e njohur më së miri për serinë e lojërave galaktike 4X Endless Space, por sipas de Waubert, Humankind është projekti i tyre i ëndërrave. “Çdo gjë që kemi bërë më parë ka qënë një hap drejt arritjes në këtë lojë,” – tha ai.
