Përdorni “Hum to Search” në Google për të gjetur titullin e këngës që ju ka ngecur në kokë

Google njihet që vazhdimisht prezanton veçori interesante në aplikacionet e tij në Android dhe iOS, dhe sado që disa njerëz mund të argumentojnë që këto të fundit janë të panevojshme, nuk mund të mohoet që na e bëjnë jetën më të thjeshtë.

Duke filluar që sot, përdoruesit do të kenë mundësi të përdorin: “Hum to Search”, nëse duan të gjejnë një këngë që nuk ja dinë titullin. Kjo mund të bëhet duke përdorur aplikacionin e Google në të dyja edhe iOS edhe Android. Thjesht hapni aplikacionin, shtypni mikrofonin dhe thoni: “What is this song”, ose shtypni butonin: “Search a song”.

Që të siguroheni që çdo gjë është bërë në mënyrën e duhur, duhet të bëni hum këngën për minimalisht 10-15 sekonda përpara se Google Search të bëjë magjinë e tij dhe t’ju japë rezultatet. Gjithsesi, kjo nuk është e gjitha. Mund ta bëni jetën edhe më të thjeshtë duke përdorur Hum to Search në Google Assistant, ose thjesht të thoni “Hey Google, what is this song”.

Sipas Google, kjo veçori është e disponueshme në anglisht në iOS dhe në mbi 20 gjuhë të tjera në Android. Gjuhë të tjera gjithashtu pritet të shtohen së shpejti. Më poshtë mund të shihni një mini trailer se si funksionon si proçedurë: