Gjithçka që dimë për Hightower event në Fortnite

Leakers në Fortnite kanë zbuluar files të lidhura me eventin ‘Hightower‘ që do të vijë së shpejti në lojë. Ja çdo gjë që dimë deri më tani për të.

Në 5 gusht, update v13.40 erdhi live në Fortnite, duke sjellë makinat e shumëpritura në battle royale. Gjithsesi, siç mund të prisni me çdo patch, leakers kanë filluar gërmimet për gjërat që pritet të vijnë së shpejti në lojë. Nga këto duket se Epic Games po fillon të përgatitet për eventin e ri kinematik.

SIMBOLI I EVENTIT HIGHTOWER

Eventi, që ka marrë emrin e koduar Hightower, duket të ketë lënë shenja misterioze rreth e qark hartës battle royale.

Leaker-i iFireMonkey ishte një nga të parët që e vuri në dukje këtë, teksa zbuloi një simbol të çuditshëm në filet e lojës. Është një rreth i madh me nyje të shumta që ndërlidhen brenda tij.

TINGUJT E EVENTIT HIGHTOWER

Leaker-i gjithashtu ja doli të gjente disa zhurma të ambientit, që janë të lidhura me eventin. Siç mund ta dëgjoni në videon më poshtë, audioja sugjeron se diçka është duke ndodhur nëntokë. Disa prej këtyre tingujve tingëllojnë si plasaritje, të çara dhe puhiza ere. Asnjë prej këtyre nuk është e konfirmuar gjithsesi.

“CRATERS” NË FORTNITE PAS EVENTIT HIGHTOWER

Përtej të gjithë kësaj, FortTory shkoi edhe një hap më tutje, duke gjetur gjashtë kratere, të shoqëruara me stampën e sipërpërmendur mbi to. Katër nga këto gjashtë janë të bashkuar në një linjë me njëri-tjetrin dhe dy të tjerët gjithashtu janë të bashkuar, por qëndrojnë më vete.

Siç kemi vënë re edhe në të kaluarën, Epic mund të tregohet mjaft misterioz me të dhënat që lë pas në parapërgatitjen e eventeve kinematike, por pritja dhe teasers që zhvilluesi sjell, ja vlejnë barra qeranë.

Teksa Chapter 2 Season 3 shpaloset përpara, do të zbulojmë gjithmonë e më shumë për eventin ‘Hightower’.