Harta e re e Escape From Tarkov mund t’ju shkatërrojë PC-në

Epo, të paktën duket bukur apo jo?!

Të gjithë kemi një marrëdhënie abuzuese me lojërat, apo jo? Ndonjëherë i abuzojmë ne me to dhe ndonjëherë na abuzojnë ato ne. E kur ndodh ky rasti i dytë, shumë herë qëllon që një prej këtyre lojërave të jetë, Escape From Tarkov. Një përvojë mjaft realiste, brutale dhe ka shanse që mund të jetë shumë e shtrenjtë për PC-në tuaj që ta përballojë. EFT nuk është lëshuar ende plotësisht dhe ka qenë në open beta që nga mesi i vitit 2017. Që atëherë, Tarkov ka evoluar dhe është bërë më i sofistikuardhe gjithashtu ka marrë dhe më shumë vëmendje nga komuniteti i gaming. Gjithsesi, loja qëndron të jetë mjaft e rëndë për tu përballuar nga disa PC.

Vitin e ardhshëm Escape from Tarkov do të sjellë një hartë të re, të quajtur, Streets of Tarkov. E cila ka marrë mjaft vëmendje që në momentin që u njoftua dhe do të jetë një shtim mëse i vlerësuar nga fansat e lojës.

Arsyeja që unë dhe shumë të tjerë tërhiqemi nga Tarkov është dizajni mjedisor që loja ka. Nëse flasim për dyqanin e treguar në trailerin e mësipërm, duke filluar këtu. Qasja është e mbushur me sende individuale të mbeturinave dhe grupe karrocash të braktisura, disa që duken sikur janë përdorur për të fiksuar karrocat përreth. Nëse futeni brenda mund të shihni rafte të zbrazëta, pajisje të shembura, llum të panjohur në sipërfaqe dhe çanta me njolla të grumbulluara ushqimesh në banak, një depo e shkatërruar, kuti kudo, një atmosferë kolapsi dhe e shkretë. Vizioni i Battlestate për apokalipsin ka më pak hijeshi se diçka si Fallout, por mjediset e tij sjellin në mendje një botë me të cilën unë dhe shumë të tjerë mbetemi të magjepsur.

Gjithsesi deri në lançimin e lojës ose të paktën ardhjen e hartës së re, ngelet që thjesht të luajmë në po ato shtatë harta që luajmë zakonisht.

Për lajme të mëtejshme mbi Escape from Tarkov, klikoni këtë link, për të vizituar seksionin tonë të lajmeve mbi EFT.