Gjithçka që duhet të dini për Unreal Engine 5

Unreal Engine 5, teknologjia që ka për të ndryshuar mënyrën e zhvillimit të lojërave.

Ndryshimet e vazhdueshme në teknologji kanë sjellë përmirësime të mëdha në gaming. Një ndër ndryshimet që pritet të sjell një ndryshim të madh është Unreal Engine 5. Gjatë muajit maj u shfaq demo-ja e parë rreth Unreal Engine 5 e quajtur “Lumen in the Land of Nanite”. Kjo demo ka marrë ketë emër për shkak të dy teknologjive të reja që Unreal Engine 5 do të ketë: Lumen e cila është një sistem global dinamik i ndriçimit dhe Nanite e cila është një sistem gjeometrik i aftë të krijoj objekte dhe struktura me një nivel të ri të detajeve. Sipas website të Unreal Engine nëpërmjet këtyre dy teknologjive të reja do të jete e mundur krijimi i ambienteve të cilat do të duken tepër reale siç mund ta shohim në videon e mëposhtme.

Ndryshe nga versionet e mëparshme, Unreal Engine 5 ka në vetvete ndryshime të mëdha. Kualiteti vizual bashkuar me detajet dhe ndriçimit pothuajse real janë disa prej ndryshimeve të cilat e dallojnë atë nga versionet e mëparshme. Unreal Engine 5 ka si synim të jetë zgjidhja e probleme të shumë zhvilluesve të lojërave duke e ndërtuar Unreal Engine që të jetë më i lehtë në përdorim dhe gjithashtu t’i ndihmoj zhvilluesit në punën e tyre duke ua bërë punën më të lehtë, produktive dhe gjithashtu duke iu ofruar opsione të ndryshme. Gjithashtu do të jetë më i shpejtë dhe më i fuqishëm duke përdorur teknologjitë e reja.

Lumen pritet të ketë ndërveprime me ngjarjet në lojë si objektet e krijuara nga lojtarët, shkatërrimet dhe ndryshimet e tjera në stimulimet fizike dhe përsëri të na lërë me gojë hapur me ndriçimin që do të na ofroj. Kurse Nanite pritet të sjellë një nivel tjetër të detajeve. Këto detaje do të jenë tepër reale ose siç është quajtur ndryshe nga zhvilluesit “aq sa syri mund të shoh”. Unreal Engine sipas zhvilluesve pritet të ketë një menaxhim më të mirë me komponentët fizikë të një kompjuteri (hardware). Kjo do të bëj të mundur që rendering në Unreal Engine 5 të jetë shumë herë më i shpejtë.

Drejtuesit gjithashtu kanë konfirmuar që të gjitha projektet që janë ne Unreal Engine 4 mund të lëvizin në Unreal Engine 5. Transferimi i projekteve do jetë i vështirë nga UE4 në UE5. Projektet në UE4 do të punojnë në UE5 me disa ndryshime në kodin e gameplay. Gjithashtu UE5 do të jetë pjesë e shumë projekteve kinematografike. UE4 është përdorur në mbi 100 filma dhe TV Shows dhe një ndër to është sezoni i parë i The Mandalorian. Me ndryshimet e reja dhe përmirësimet e mëdha pritet që UE5 të përdoret akoma edhe më shumë në industrinë kinematografike. Pritet që dalja në treg të ndodh gjatë fundit të 2021.