Galaxy Note 10 do të vijë me katër modele të ndryshme më të ngjashme nga ç’mendonim

Thashethemet e Galaxy Note 10 kanë kohë që qarkullojnë, por duket se më në fund kemi diçka konkrete në duart tona. Modelet e Galaxy Note 10 janë konfirmuar dhe si duket nuk do të jenë edhe aq ndryshe sa ç’mendonim. Të vetmet dallime mes katër modeleve të Galaxy Note 10 do të jenë se dy prej tyre do të kenë një modem 5G.

Raportimi më i fundit nga Sammobile deklaron se SM-N970 dhe SM-N975 janë dy modelet kryesore të Galaxy Note 10. Pritet që të dyja variantet të kenë përmasa të ndryshme të ekranit si edhe specifika të ndryshme të hardware-it. Mendohet se Galaxy Note 10 do të jetë i disponueshëm në 6.28 inch dhe 6.75 inch. Me shumë mundësi ky më i madhi do të marrë parametrat më të mirë kur të vijë puna te kamerat, kapaciteti i beterise dhe aspekte të tjera të hardware-it.

Dy modelet e tjera pastaj quhen  SM-N971 dhe SM-N976. Këto do të jenë ato që nuk do mbështesin 5G. Gjithsesi modelet e sipërpërmendura me shumë mundësi do të shiten vetëm në vendet ku rrjetet 5G janë live. Pra ndoshta nuk duhet të mbajmë shumë shpresa për vendin tonë. Gjithsesi benefitet e rrjetit 5G do të shihen më mirë vitin e ardhshëm, ndaj ndoshta ka ende kohë.