Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Roboti doli fitimtar.
Lojtarët e Fortnite që ishin në lojë dje në mbrëmje patën mundësi të shikonin një ndeshje fantastike mes një roboti gjigand dhe një përbindëshi të madh e tmerrues. Ishte një eksperiencë vërtetë e bukur për tu parë live dhe mund të themi se është një nga eventet më të bukura që kemi parë deri tani nga Epic.
Eventi ka javë që është në punim e sipër. Epic Games si gjithmonë ka mbajtur rolin e tij klasik në hedhjen e shenjave të vogla përgjatë sezonit të 9 që do i bënin lojtarët ta kuptonin misterin. Në fillim ishte syri i përbindëshit i fshehur në Polar Peak, i cili më vonë u çlirua dhe filloi të notonte rreth ishullit. Në të njejtën kohë, roboti po ndërtohej në vullkanin dikur aktiv të lojës. U bë e qartë në këtë pikë se Epic do të përballte dy titanët me njëri-tjetrin.
Beteja nisi një herë në distancë, me robotin që hidhte raketa kundër armikut të tij, përpara se të bënte një sulm që i fluturoi të dy në anë të kundërta të hartës. Lojtarët që po e shihnin eventin ishin në gjendje të blinin një nga dy emotet, pro-monster dhe pro-robot, ndërkohë që Epic gjithashtu dizenjoi edhe një skin për robotin rozë të lojës.
End of the Fortnite event. 10/10 incredible job @Fortnitegame pic.twitter.com/EgBcx3T9hk
— Ninja (@Ninja) July 20, 2019
Pasi beteja u bë pak më intensive, përbindëshi i shkuli krahun robotit dhe këtu dukej se ai do të fitonte. Gjithsesi pasi tërhoqi energji nga një element i ishullit, roboti mori një shpatë të groposur në tokë dhe e kaloi përtej kafkës së përbindëshit, duke i siguruar vetes fitoren. Skeleti i përbindëshit me shpatën ngeli në tokë, si një modifikim i hartës që e gjejmë në të gjitha modet.
Është bërë e rrugës për Epic tashmë që të mbajë evente live. Kjo duke filluar që me raketat e vitit të shkuar e duke vazhduar më tej me eksperimente kreative që i kanë dhënë mundësi lojtarëve të kenë një farë kontributi mbi lojën. Kemi parë deri tani një koncert live nga Marshmellow, një event që i lejoi lojtarët të sillnin një armë nga vault-i dhe shpërthimin e një vullkani. Me çdo sezon që kalon, lojtarët e Fortnite nuk mund të mos e pyesin veten se çfarë ka më tej?
