Një fëmijë i varur pas Fortnite ka shpenzuar $20,000 të kursimeve të prindërve në Twitch

Ja pse duhet përdorur mbrojtja.

Imagjino të rrisësh një fëmijë, tërë sakrifica, tërë mund, tërë përpjekie dhe në fund ai të shkojë e të harxhojë $20,000 kursime në Twitch. Ky është rasti i një prindi të dëshpëruar, që i është drejtuar Reddit për këshilla, pasi fëmija i tij shpenzoi me mijëra dollarë në subscriptions dhe donations të Twitch.

Sipas postimit të prindit, fëmija i mitur, harxhoi $20,000 të kursimeve të tyre në Twitch, kryesisht në donations dhe subscriptions. Prindi tha se fëmija ka zbrazur llogarinë e tyre bankare në vetëm 17 ditë. Ai gjithashtu ka kontaktuar shërbimin e klientit të Amazon para dy javësh, por është ende në pritje të një përgjigjeje.

Konsensusi i përgjithshëm që u arrit ishte se prindi duhet të kontaktojë bankën në vend të Amazon, ose të përpiqet ti kontaktojë streamerat individualisht. Në komente prindi zbuloi se kishte pesë kanale të Twitch që ishin bërë subscribe. Këtu përfshiheshin tre streamera të Fortnite dhe dy atletë të njohur që janë streamera aktivë të Twitch.

Më vonë u zbulua se këto pesë kanale i përkisnin lojtarit të NBA Meyers Leonard dhe lojtarit të NFL Kurt Benkert. Nga streamerat e tjerë që nuk ishin atletë, tre të nderuarit konsistonin në Turner ‘Tfue’ Tenney, ‘Gorb’ dhe Soleil ‘Ewok’ Wheeler.

Në raste të tilla realisht të vjen keq për prindin, për të mos përmendur këtu faktin që raste të tilla po shtohen dita ditës. Këto vërtetojnë se dhe vetë ata duhet të jenë më të kujdesshëm në monitorimin e veprimeve që fëmija i tyre kryen online.