Lojtarët e Fall Guys zbuluan tematikën e sezonit të ri përmes këtij puzzle

Në vend që thjesht të postonte imazhin promocional për sezonin e ardhshëm të Fall Guys: Ultimate Knockout, Mediationic vendosi ta ndante imazhin në 300 pjesë individuale dhe t’i kërkonte komunitetit t’i bashkonte ato si një pazëll.

Adresa e Fall Guys në Twitter i kërkonte fansave që ishin të interesuar ta ndanin postimin me përgjigjen: “I am ready to solve the #FallGuysSeason3 #JigSawus.” Kjo do i jepte atyre një mundësi për të marrë një pjesë të pazllës në DM e tyre.

Që nga ajo pikë, me qindra përdorues filluan të ndanin këto imazhe dhe të krijonin pak nga pak foton përfundimtare. Edhe vetë Geoff Keighley, producenti i The Game Awards, postoi një pjesë të pazllës.

U deshën mbi shtatë orë, por komuniteti i lojës e zgjidhi Jig Sawus, duke treguar si përfundim imazhin e disa Fall Guy beans të veshur në kostumet e tyre dimërore. Pas kësaj Mediatonic njoftoi se sezoni përfundimtar do të quhej Winter Knockout.