Fall Guys ka shitur 10 milion kopje në PC deri më tani

Ndërsa numrat e njëkohshëm të lojtarëve mund të kenë rënë, siç pritej pas një muaji lançues bombastik, Fall Guys po performon shumë mirë në tërësi, sipas shifrave të shitjeve të tremujorit të parafundit të 2020 të siguruara përmes rezultateve financiare të Unity.

Nën pikën “Biggest Q3 gaming blockbusters powered by Unity”, deklarata zbulon se Fall Guys ka shitur dhjetë milion kopje që nga lëshimi vetëm në Steam, tre milion më shumë nga shifra e njoftuar nga botuesi Devolver Digital tre javë pas lëshimit.

Për krahasim, Monster Hunter: World, një lojë që ka performuar mjaft mirë në terma shitjeje njësish, ka shitur pak më shumë se 16 milion kopje në disa platforma gjatë dy viteve. Është e sigurt të thuash Fall Guys ka shkuar goxha mirë. Llogaria zyrtare në Twitter e Fall Guys gjithashtu dëshiron që të dihet se loja është mëse e gjallë dhe po ecën mirë, siç ilustrohet nga një postim i fundit:

Pas lëshimit të update-tit më të fundit të Fall Guys, ekipi në Mediatonic tani po zhvendos vëmendjen për të punuar në Season 3, dhe duke parë këtë trend, ka të ngjarë të bindë edhe më shumë njerëz të bashkohen në lojë.