Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas një sondazhi të kryer së fundmi, Facebook e cila së fundmi ka ndryshuar emrin në Meta është shpallur kompania më e keqe për vitin 2021.
Sondazhi i kryer është bërë nga Yahoo Finance i cili e kryen këtë sondazh vit për vit për të përcaktuar kompanitë më të mira dhe më të këqija. Sipas këtij sondazhi, Microsoft dominonte duke u shpallur kompania më e mirë për vitin 2021 kurse Facebook u shpall kompania më e keqe për këtë vit.
Gjithashtu Facebook kësaj here kishte marrë 50% më shumë vota se Alibaba e cila zuri vendin e dytë në kategorinë e kompanisë më të keqe të vitit 2021. Ndër arsyet pse Facebook u zgjodh si fituese e kësaj kategorie është “censorship”, privatësia dhe impakti në shëndetin psikologjik që Facebook dhe kompanitë e tjera të saj kanë patur.
Ndër problemet kryesore që Facebook ka patur gjatë vitit 2021 janë problemet e privatësisë. Facebook është përballur me Apple dhe shumë kompani të tjera për shkak të App Tracking Transparency, një veçori e Apple e cila i lejonte përdoruesit të kishin kontroll se çfarë të dhënash aplikacionet që kishin në pajisje kishin akses, “duke i prishur punë” Facebook.
Por me ndryshim e emrit në Meta, Mark Zuckerberg ka premtuar se tashmë kompania do të ketë një fokus të ri.
