Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Së fundmi Meta ka “kërcënuar” përsëri se do të bllokojë platformat e saj, Facebook dhe Instagram, në Evropë. Por pse po ndodh kjo? A do të bllokohet Facebook, Instagram dhe platformat e tjera të Meta në Evropë?
Ky njoftim ka ardhur nga Meta e cila ka lajmëruar në raportin e tyre vjetor se për shkak të problemeve me politikat e Bahskimit Evropian. Këto probleme kanë lidhje me transferimin e të dhënave të saj nga Evropa në SHBA, diçka që Bashkimi e ndalon për shkak se frikësohet se të dhënat e qytetarëve të saj nuk janë të sigurta pasi transferohen në SHBA.
Ky vendim nga Bashkimi Evropian ka bërë që shumë shërbime të ndryshme në Evropë të kenë probleme me transferimin e të dhënave në SHBA duke përfshirë këtu edhe Meta. Momentalisht Bashkimi Evropian është akoma në negociata me Uashingtonin në lidhje me këtë çështje.
Meta ka shtuar se nuk ka plane dhe dëshirë që të bllokojë platformat e saj në Evropë por për shkak të mos transferimit të të dhënave në SHBA, Meta e ka të pamundur që të operojë në mënyrë globale dhe sidomos në Evropë.
Për t’iu përgjigjur Meta, disa prej ministrave gjerman dhe francez janë shprehur se ata nuk e kanë problem edhe nëse Facebook do të largojë platformat e saj nga Europa dhe vendi i tyre.
Negociatat e gjata midis Bashkimit Evropian dhe Uashingtonit po shkaktojnë goxha probleme. Një përfaqësues i këtyre negociatave është shprehur se negociatat mbi transferimin e të dhënave po shtohen.
Ai ka shtuar se arsyeja pse këto negociata po zgjaten është për shkak të kompleksitetit të kësaj çështje duke marrë parasysh që të dyja palët duhet të gjejnë një balancë midis privatësisë dhe sigurisë kombëtare.
Kjo nuk është hera e parë që Facebook dhe Meta kërcënon me bllokimin e shërbimeve të saj. Në 2020, Facebook “kërcënoi” Australinë se do të bllokonte njerëzit dhe faqe të ndryshme nga publikimi i lajmeve pas një ligj në Australi i cili e detyronte kompaninë që të paguante mediat për artikujt që publikonin në platformë.
