Eventi i Vitit të Ri në Fortnite duket të ketë ardhur që tani në lojë

Nuk është çudi që Epic Games është duke planifikuar diçka për të festuar Vitin e Ri në Fortnite, por gjithsesi këto plane duket të jenë bërë leak përpara kohe.

Lojtarët e Fortnite shpesh trajtohen me evente speciale dhe limited-time-modes, që mund të vijnë në trajtën e crossovers ose bashkëpunimeve të ngjashme. Më i fundit ishte ai me Star Wars, ku lojtarët panë një klip ekskluziv të The Rise of Skywalker.

Sado që festimet për vitin e ri nuk janë diçka e re në Battle Royale-in e Epic, fansat sy shqiponjë kanë vërejtur diçka që mund të tregojë se çfarë do të përfshijë spektakli i 2020s.

Në të shkuarën, Epic Games lançoi një coutdown global që sinjalizonte vitin e ri. Në momentin që ai mbaronte, fishekzjarret fillonin në qiell dhe një disco ball masiv u vendos mbi hartë. Sado që askush nuk e di ekzaktësisht se çfarë ka planifikuar Epic Games për festimet e Vitit të Ri, duket se disco ball është shfaqur sërish në botën e Fortnite.

I zbuluar fillimisht nga përdoruesi i Reddit ‘NoVa_Iwarrior,’ topi gjigand mund të vihet re teksa shikon drejt qiellit në replay mode. Me objektin momentalisht të pozicionuar dhe të aksesueshëm në file-t e Fortnite, duket se Epic ka në plan ta ripërdori sërish.

Asnjë konfirmim zyrtar nuk është dhënë nga zhvilluesit, ndaj ky informacion nuk duhet marrë si i mirëqenë. Efektet që disco ball lë pas, mund të jenë të ndryshme nga ato të vitit të shkuar.

Me eventin Winterfest që do të vazhdojë deri në 6 janar dhe një crossover me Star Wars, që është ende në efekt të plotë, ka gjasa që festimet e Vitit të Ri do të jenë sërish të shkurtra, për të shmangur mbivendosjen e disa eventeve njëheresh.

Ndoshta lojtarët do të gjejnë mënyra të tyret për të festuar Vitin e Ri, siç të tjerët kanë bërë me eventin e Star Wars. Së fundmi lojtarët kanë lënë pas loot-in e tyre dhe kanë luftuar vetëm me lightsabres, për të nderuar traditën e fituesit të duelit në Star Wars.