Elon Musk thotë se disa njerëz do të vdesin në përpjekjet për të udhëtuar në Mars

Elon Musk do të prezantojë Saturday Night Live në maj. Dhe të gjithë e kanë marrë seriozisht  deklaratën e tij të fundit.

Musk bëri parashikimin e tij në një intervistë me Peter Diamandis, themeluesi dhe kryetari për zbulimin shkencor i fondacionit X Prize.

“Dikush mund të vdesë, do të jetë e pakëndshme dhe ndoshta nuk do të ketë ushqim të mirë”, tha Musk. Më tej ai shton se do të jetë një udhëtim i mundimshëm dhe i rrezikshëm ku nuk mund të kthehet çdokush i  gjallë.

“Sinqerisht, disa njerëz ndoshta do të vdesin në fillim,” shtoi ai, por këmbënguli se do të ishte gjithashtu “një aventurë e lavdishme dhe do të jetë një përvojë e mahnitshme”.

“Nuk është për të gjithë”, tha ai. “Pranohen vetëm vullnetarë!”

Space X i Musk ka lëshuar më shumë se 100 raketa gjatë dekadës së fundit. Disa kanë përfunduar duke shpërthyer ose duke u përplasur. Musk ka parashikuar një ulje në Mars nga njerëzit deri në vitin 2026, me një sy drejt një qyteti në Planetin e Kuq