Elon Musk kalon Bill Gates dhe bëhet personi i dytë më i pasur në botë

Elon Musk, shefi ekzekutiv i Tesla, ja ka kaluar Bill Gates, duke u bërë personi i dytë më i pasur në botë me $128bn pasuri, pasi kompania e makinave elektrike që ai ndihmoi të themelohej para 17 viteve, u rrit në vlerë duke vajtur mbi $500bn.

Aksionet e Tesla janë rritur dramatikisht ditët e fundit, teksa investitorët në mbarë botën nxitojnë për t’i blerë ato. Musk, që është nën pronësinë e 20% të këtyre aksioneve , pa të ardhurat e tij të shkonin nga $7.2bn në $128bn. Ai zyrtarisht kaloi kështu Bill Gates, themeluesin e Microsoft.

Jeff Bezos i Amazon mbetet personi më i pasur në botë. Gjithsesi, duke parë rritjen e shpejtë të aksioneve të Tesla, ka probabilitet që Musk ta kalojë edhe atë përsa i përket pasurisë. Analistë të ndryshëm kanë parashikuar rritje të mëtejshme të kompanisë së Musk. Kjo pasi qeveritë mund të detyrohen të nxjerrin jashtë funksioni makinat me motorr të zakonshëm, duke i zëvendësuar ato me makina elektrike.

Tesla ka vlerën më të lartë në treg se çdo kompani tjetër makinash në botë, sado që prodhon shumë më pak automjete në krahasim me to. Këtë vit pritet të sjellë 500,000 makina elektrike, në krahasim me prodhimin e japonezit Toyota, që është diku te 10 milionë.

Rreth treçerek e të ardhurave të Musk vijnë nga aksionet e tij në Tesla, por ai gjithashtu është i përfshirë edhe me kompaninë hapësinore Space X. Javën e shkuar dërgoi katër austronauntë në International Space Station, me një kontratë komerçiale me Nasa. Space X pritet të hedhë 60 satelitë interneti në hapësirë.

Bill Gates nga ana tjetër ishte personi më i pasur për vite me rradhë, përpara se t’ja merrte vendin Bezos në 2017. Pasuria e Gates qëndron në vlerën e $127.7bn, por do të ishte shumë më e lartë po të mos kishte dhuruar shuma të mëdha për bamirësi përgjatë viteve. Ai ka dhuruar mbi $50bn për të ndihmuar luftën kundër sëmundjeve dhe varfërisë, kryesisht përmes Bill and Melinda Gates Foundation.