Ekipet e CS:GO duhet të zbulojnë sponsorat e tyre përpara Majors

Ekipet që nuk e bëjnë këtë gjë do të skualifikohen

Ekipet dhe lojtarët që duan të marrin pjesë në kampionatet e sponsorizuara nga Valve duhet të zbulojnë publikisht marrëdhëniet e tyre të biznesit me pjesëmarrësit e tjerë dhe organizatorët e turnamentit, zbuloi sot Valve. Pjesëmarrësit që nuk e zbulojnë këtë informacion do të skualifikohen nga Major.

Valve tha se do të vlerësojë çdo situatë për të parë nëse ka konflikt interesi. “Në këtë mënyrë, diskutime publike mund të mbahen për vlerën që ligat ofrojnë në krahasim me riskun që mbartin,” – tha Valve.

Ky rregull i ri vjen dy muaj pasi Valve foli për konfliktet e interesit dhe ekskluzivitetin e CS:GO në një postim të quajtur “Keeping Things Competitive“. Në këtë postim, Valve sqaroi se nuk është i interesuar të japi licensa ekskluzive për turnamente duke limituar ekipet.

Rregulli i ri i Valve do e bëjë më të vështirë për organizatorët e turnamenteve që të kenë në pronësi ekipe. Astralis, ekipi më i mirë i CS:GO në botë kontrollohej nga RFRSH deri në korrik, një kompani e cila gjithashtu organizon BLAST Pro Series.

Megjithatë, organizatorët e turnamenteve gjithsesi mund të kenë ekipet e tyre. Kompanitë ndërkohë nuk mund të krijojnë dy ekipe të ndryshme CS:GO.