Edhe deputetët amerikanë po luajnë League of Legends

Madje njëri prej tyre është Platinum

Vite më parë, ndërkohë që qeveria po diskutonte për dhunën në videolojëra me disa politikanë të painformuar, shumë njerëz pyetën veten se çfarë do të ndodhte kur një gjeneratë gamers do të vinte në pushtet dhe kur njerëz që i kuptojnë videolojërat do të kenë fuqinë për të vendosur. Dhe pse fjalimi i presidentit të Shteteve të Bashkuara Donald Trump mund t’i ketë shtuar shpresat gamers deri diku, ata gjithsesi kanë arritur diçka.

Deputetja në qeverinë amerikane Alexandria Ocasio-Cortez postoi në Instagram javën e kaluar se kishte arritur Silver IV në League of Legends – një përmirësim shumë i mirë duke marrë parasysh se ishte Bronze V vitin e kaluar. Ndërkohë që ajo ndihej krenare në për arritjen në Silver në Twitter, duket se ajo nuk është lojtarja më e mirë e League of Legends në Kongresin Amerikan.

Ky titull i përket deputetit Josh Harder me aq sa dimë. Harder është Platinum dhe ai jep disa këshilla për politikanët e tjerë: “Kongresi Amerikan do të funksiononte më mirë nëse betejat do të luftoheshin në Summoner’s Rift dhe jo në mbledhjet e komitetit“.

Një muaj më parë, Alexandria Ocasio-Cortez së bashku me Marco Rubio dhe disa deputetë të tjerë të partive të ndryshme firmosën një letër drejtuar Blizzard për të hequr ban-in e lojtarit profesionist të Hearthstone Blitzchung. Të paktën tani në botë ka disa politikanë të cilët i kuptojnë videolojërat, edhe pse kjo gjë ende nuk duket se ka ndodhur në vendin tonë.