EA konfirmon se mbi 1600 lojtarëve të FIFA ju janë ekspozuar të dhënat personale

EA ka konfirmuar zyrtarisht se për shkak të një gabimi teknik me portalin e regjistrimit kompetitiv të FIFA 20, është shkaktuar një ekspozim masiv të dhënash që kanë ndikuar rreth 1,600 lojtarë.

Pak minuta pasi faqja e regjistrimeve ishte live në 08:00 EST (13:00 BST) në datë 3 Tetor, bashkë me informacionet për sezonin e ardhshëm të FIFA 20 esports, lojtarët filluan të raportonin në mediat sociale se po haseshin me të dhënat personale të lojtarëve të tjerë kur bënin sign up. Këto të dhëna përfshinin adresa emaili, datëlindje dhe ID e lojtarëve.

Brenda gjysmë ore, faqja u çaktivizua, por me mijëra lojtarë tashmë ishin ekspozuar, duke shkaktuar shqetësim madhor në komunitetin kompetitiv. Pak më vonë EA postoi në twitter një deklaratë ku e pranonte leakun dhe ku thanë se po punonin për të mbajtur adresat e lojtarëve të siguruara.

Në deklaratën e saj, EA tha se: “privatësia e lojtarëve dhe siguria e tyre janë të një rëndësie shumë të madhe për ne dhe ju kërkojmë shumë ndjesë lojtarëve që e hasën këtë problem.”

Ata gjithashtu thanë se regjistrimet do të bëheshin sërish të disponueshme së shpejti dhe se janë të bindur që problemi është ndrequr.

Emra të mëdhenj të komunitetit të FIFA kanë reaguar ndaj lajmit që të dhënat e tyre personale janë ekspozuar. Stream-i Australian ‘Crispy’ pyeti: “Kjo duhet të jetë e paligjshme apo jo? Adresat e njerëzve dhe të dhënat e tyre po bëhen leak.”

Ish lojtari i Hashtag United, Ryan Pessoa, pa anën pozitive të gjërave, pavarësisht seriozitetit masiv të situatës:

Sado që humori nuk ka munguar, është e vërtetë se situata e vë EA në një pozicion shumë të vështirë. Të paktën kompania e kapi në kohë përpara se të ndikonte më shumë lojtarë të tjerë. Le të shpresojmë që asnjë pasojë e konsiderueshme nuk do të vijë nga kjo situatë.