Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Bungie është në një pozicion pak të ngushtë për momentin. Atyre ju është dashur që të shtyjnë expansion-in e ardhshëm të madh të Destiny 2, për të patur pak më shumë hapësirë pune. Destiny 2: Beyond Light tashmë do të vijë dy muaj më vonë nga data fillestare e shtatorit, duke u lançuar në 10 nëntor.
Bungie e solli lajmin në një njoftim të bërë dje, ku shpjegoi se kjo ishte gjëja më e mirë që mund të bëhej për lojën:
“Si gjithmonë synimi ynë është që të sjellim expansion-in më argëtues dhe të mirë që mundemi për fansat tanë. Për këtë arsye po bëjmë atë që është më e mira për lojën, duke shtyrë datën e lançimit të tij.
Muajt e fundit kanë qenë një sfidë për ne dhe do të vazhdojnë të mbeten të tillë edhe gjatë pandemisë. Kemi mësuar që të krijojmë së bashku në mënyra të ndryshme, duke qenë të detyruar të punojmë larg njëri-tjetrit, por sërish kemi qëndruar të përkushtuar në nivelin e cilësisë që fansat tanë presin nga ne.”
Bungie realisht ka qenë ndër ato studio që është treguar më e kujdesshme kur vjen puna në masat e marra për COVID-19. Fatkeqësisht për ne kjo përkthehet në disa vonesa. Gjithsesi, më mirë të presim për një produkt të rafinuar, se të marrim diçka të bërë shpejt e shpejt.
